महाराष्ट्र २४ । विशेष प्रतिनिधी । दि. १३ ऑगस्ट । एखाद्या व्यक्तीने स्वतःचे पेन्शन खाते सुरू केले असेल तर आता त्यात युनिफाइड पेमेंट इंटरफेसद्वारे (यूपीआय) पैसे जमा करता येणार आहेत. ही घोषणा पेन्शन खात्यांचे नियमन करणाऱ्या पेन्शन निधी नियामक व विकास प्राधिकरणाने (पीएफआरडीए) शुक्रवारी केली. याअंतर्गत नॅशनल पेन्शन सिस्टीम (एपीएस) आणि अटल पेन्शन योजना (एपीवाय) या दोन्ही योजनांत पैसे भरणाऱ्या पेन्शन खातेदारांना हे योगदान यूपीआयद्वारे करता येईल.
यूपीआयद्वारे योगदान
– एनपीएस व एटीवाय या योजनांमध्ये यूपीआयद्वारे पैसे भरताना ते डायरेक्ट रेमिट (डी-रेमिट) अंतर्गत भरता येतील.
– ही सुविधा टियर-१ व टियर-२ खात्यांसाठी उपलब्ध करून देण्यात आली आहे.
– आधी वरील दोन्ही खात्यांत आयएमपीएस, एनईएफटी व आरटीजीएस या सुविधांद्वारे पैसे भरता येत होते.
– डी-रेमिट करताना पीएफआरडीएने स्वतंत्र हॅण्डल तयार केले आहे.
– यूपीआयद्वारे पैसे भरण्यासाठी PFRDA.15digitVirtualAccount@axisbank हे हॅण्डल वापरावे लागणार आहे.
– यूपीआयद्वारे सकाळी साडेनऊपूर्वीपर्यंत या दोन्ही योजनांच्या खात्यांत जमा झालेली रक्कम ही त्या दिवसासाठी गुंतवणूक म्हणून गृहित धरली जाणार आहे.
– सकाळी साडेनऊ नंतर जमा करण्यात आलेली रक्कम दुसऱ्या दिवशीची गुंतकवणूक समजली जाणार आहे.
– डी-रेमिटमुळे पेन्शन खातेदाराला त्याच दिवशी अदायगीची सुविधा व एनएव्ही मिळते.
– ऑटो डेबिट सेट करण्याची मुभा डी-रेमिट देते. हा कालावधी मासिक, त्रैमासिक, सहामाही असा सेट करता येतो.
सरकारी कर्मचाऱ्यांसाठी
– एनपीएस ही पेन्शन योजना संघटित क्षेत्रातील कर्मचाऱ्यांसाठी आहे.
– एटीवाय ही पेन्शन योजनमा मुख्यतः असंघटित क्षेत्रांतील कर्मचाऱ्यांसाठी आहे.
– डिसेंबर २००३ मध्ये एनपीएसची सुरुवात झाली.
– एनपीएसमध्ये लष्करातील कर्मचारी वगळता सर्व केंद्र सरकारी कर्मचाऱ्यांना (१ जानेवारी २००४ नंतर सेवेत आलेल्या) एनपीएसमध्ये पैसे भरणे अनिवार्य करण्यात आले आहे.
– मे २००९मध्ये एनपीएसमध्ये खासगी कंपन्यांतील कर्मचाऱ्यांना तसेच असंघचित क्षेत्रातील कर्मचाऱ्यांनाही एनपीएसचे दरवाजे खुले केले गेले.
– कॉर्पोरेट क्षेत्राकडून आपल्या कर्मचाऱ्यांना एनपीएसचे सदस्य होण्यासाठी अनिवार्य केले जाते किंवा अशी सदस्यता स्वेच्छेने घ्यावी असे सांगितले जाते.