महाराष्ट्र २४ – ऑनलाईन – दि. १४ ऑक्टो – नुकत्याच वाढलेल्या महागाई भत्त्यानंतर आता केंद्रीय कर्मचाऱ्यांसाठी आणखी एक आनंदाची बातमी आली आहे. अर्थ मंत्रालयाने विशिष्ट कर्मचार्‍यांसाठी दिवाळीला एक महिन्याच्या पगाराइतके बोनस जाहीर केला आहे.
केंद्रीय कर्मचाऱ्यांना केंद्र सरकारकडून मोठी भेट मिळाली आहे. कर्मचाऱ्यांना दिवाळीनिमित्त बोनस जाहीर करण्यात आला असून केंद्रीय वित्त मंत्रालयाकडून गैर-उत्पादकता लिंक्ड बोनस (Ad-hoc Bonus) दिला जाईल. या बोनसमध्ये ३० दिवसांच्या पगारानुसार कर्मचाऱ्यांना पैसे दिले जातील. यामध्ये केंद्र सरकारच्या गट क आणि गट ब श्रेणीतील कर्मचाऱ्यांचा समावेश आहे.
गट ब आणि क गटात येणाऱ्या अराजपत्रित केंद्र सरकारच्या कर्मचाऱ्यांनाही बोनस दिला जाईल. हे असे कर्मचारी आहेत जे कोणत्याही प्रोडक्टिविटी लिंक्ड बोनस योजनेत समाविष्ट नाहीत. Ad-hoc Bonusचा लाभ केंद्रीय निमलष्करी दलातील कर्मचाऱ्यांनाही दिला मिळणार आहे. याशिवाय हंगामी कामगारांनाही याचा लाभ मिळणार आहे.
३१ मार्च २०२२ रोजी किंवा त्यापूर्वी सेवानिवृत्त झालेल्या, राजीनामा दिलेल्या अशा कर्मचाऱ्यांना विशेष बाब मानण्यात येईल. तसेच ३१ मार्चपूर्वी वैद्यकीय कारणास्तव सेवानिवृत्त झालेले किंवा मरण पावलेले, परंतु आर्थिक वर्षात सहा महिने नियमित कर्तव्य बजावणारे कर्मचारी Ad-hoc Bonus साठी पात्र मानले जातील.