महाराष्ट्र २४ । विशेष प्रतिनिधी – अजय विघे ।१९ जानेवारी । कोपरगाव । कोपरगाव शहरांमध्ये बस स्टॅन्ड समोर असलेल्या महामार्गावर पडलेल्या मोठ्या खड्ड्यांमुळे अनेक छोटे-मोठे अपघात होत असून प्रशासनाचे त्याकडे मात्र दुर्लक्ष आहे. त्यामुळे प्रशासनाचे लक्ष या खड्ड्यांकडे वळावे म्हणून कोपरगाव शिवसेनेचे माजी शहरप्रमुख भरत मोरे यांनी खड्ड्यांमध्ये बसून व प्रतिकात्मक छोट्या ट्रक डंपर कार पलटी करत एक अनोखे आंदोलन काल केले.
या आंदोलनाच्या वेळी कोपरगाव शहर माजी शिवसेनाप्रमुख भरत मोरे यांनी म्हटले की, कोपरगाव शहरातून जुना महामार्ग जातो. बस स्टॅन्ड समोर एक मोठा खड्डा पडला असून त्यामुळे अनेक छोटे मोठे अपघात होतात. या रस्त्याने महाविद्यालयीन तरुण तरुणी, प्रवासी, हॉस्पिटल कडे जाणारे रुग्ण, एसटी महामंडळाच्या बसेस, ऊस वाहतूक करणारे ट्रॅक्टर आदींची नेहमी वर्दळ असते. मात्र या खड्ड्यांमुळे छोटे-मोठे अपघात नेहमी घ असतात. पण या खड्ड्यांकडे अनेक सामाजिक कार्यकर्त्यांनी प्रशासनाचे लक्ष वेधले असतानाही त्याकडे दुर्लक्ष होत आहे. त्यामुळे आपण या खड्ड्यात बसून प्रतिकात्मक छोट्या खेळणी च्या द्वारे डंपर ट्रक कार या खड्ड्यात पलटी करून आंदोलन करत आहोत त्यामुळे नगरपालिका प्रशासन व सत्ताधारी पक्षांनी, आमदार साहेबांनी ही या प्रश्नाकडे त्वरित लक्ष देऊन हा रस्ता चांगला करावा. नगरपालिका प्रशासनाने याकडे लक्ष द्यावे. खड़े बुजवावेत, अन्यथा शिवसेनेच्या वतीने यानंतर तीव्र आंदोलनही छेडले जाईल. असा इशाराही भरत मोरे यांनी यावेळी दिला आहे.