महाराष्ट्र २४ । विशेष प्रतिनिधी । दि .०८ मे । सुपरस्टार रजनीकांत यंदा मोठा धमाका करणार आहेत. नुकताच त्यांच्या ‘जेलर’ सिनेमाचा फर्स्ट लूक समोर आला, जो पाहून चाहते अवाक झाले आहेत. मात्र एवढेच नाही तर आता चाहत्यांच्या आनंदात आणखीनच वाढ करणारी बातमी म्हणजे रजनीकांत यावर्षी एक नव्हे तर दोन सिनेमांमध्ये दिसणार आहेत. ‘जेलर’नंतर आता रजनीकांत यांचा ‘लाल सलाम’ धूमाकूळ घालणार. सिनेमाचा फर्स्ट लूक समोर आला आहे.
सुपरस्टार रजनीकांत यांचा आजही चाहता वर्ग मोठा आहे. ‘जेलर’नंतर आता रजनीकांत यांचा ‘लाल सलाम’ धूमाकूळ घालणार आहे. सिनेमाचा फर्स्ट लूक समोर आला आहे. हा लूक पाहिल्यानंतर चाहत्यांची उत्सुकता वाढली आहे. या सिनेमाचे दिग्दर्शन रजनीकांत यांची मुलगी ऐश्वर्या रजनीकांत करणार आहे. ऐश्वर्या आठ वर्षानंतर पुन्हा एकदा दिग्दर्शकाच्या भूमिकेत दिसणार आहे. नुकतेच तिने सोशल मीडियाच्या माध्यमातून आपले वडिल, रजनीकांच यांचे ‘लाल सलाम’ सिनेमातील लूक शेअर केला आहे. त्यामध्ये रजनीकांत जी भूमिका साकारतायत त्याचे आयकॉनिक पास्ट कनेक्शनही आहे. वृत्तानुसार, ऐश्वर्याचा हा सिनेमा 90च्या दशकातील मुंबईवर आधारीत आहे. ‘लाल सलाम’च्या कथेमध्ये क्रिकेट खेळ दिसणार आहे. तामिळ स्टार विष्णु विशाल आणि विक्रांत हे या सिनेमात महत्वाच्या भूमिकेत दिसणार आहेत. विष्णु स्वत: एक क्रिकेटर होता आणि सिनेमात क्रिकेटरच्या एका रोलसाठी त्यांने प्रचंड मेहनत घेतली आहे.