महाराष्ट्र २४ । विशेष प्रतिनिधी । दि. १९ जुन । अॅशेस मालिकेच्या तिस-या दिवशी लंचब्रेकपूर्वी इंग्लंडने ऑस्ट्रेलियाला ३८६ धावांत गुंडाळले. त्यामुळे ऑस्ट्रेलियाला पहिल्या डावाच्या आधारे ३५ धावांची किरकोळ आघाडी मिळाली. यानंतर दुसऱ्या डावात फलंदाजीसाठी उतरलेल्या इंग्लिश संघाने झटपट दोन विकेट गमावल्या. पावसामुळे सामन्यात अनेकदा व्यत्यय आला. पण या सामन्यात इंग्लिश संघाचा कर्णधार बेन स्टोक्सने फिल्डिंगचे जणू चक्रव्यूह रचले होते. त्याची ही आगळीवेगळी फिल्डिंग पाहून सगळेच अवाक झाले आहेत.
Only in Test Cricket ?
An unconventional field setup from ??????? forced Usman Khawaja to come down the track and ended up getting bowled ??#SonySportsNetwork #TheAshes #ENGvAUS #RivalsForever pic.twitter.com/jb0XKnBJCv
— Sony Sports Network (@SonySportsNetwk) June 18, 2023
फिल्डिंगचे चक्रव्यूह
तिसऱ्या दिवसादरम्यान, इंग्लंडकडून मैदानावर एक आगळावेगळा प्रकार पाहायला मिळाला. जेव्हा कर्णधार बेन स्टोक्सने उस्मान ख्वाजाच्या विकेटसमोर सहाही क्षेत्ररक्षकांना अर्ध्या वर्तुळात उभे केले. ख्वाजासमोर ऑली पोप, हॅरी ब्रूक आणि जेम्स अँडरसन लेग-साइडवर रांगेत उभे होते, तर ऑफ-साइडवर जो रूट, स्टुअर्ट ब्रॉड आणि स्टोक्स तयार होते. ख्वाजाला स्क्वेअर ऑफ द विकेट शॉट मारण्यासाठी भाग पाडणे हा बेन स्टोक्सचा उद्देश होता. स्टोक्सची प्लॅनिंग अगदी बरोबर कमी आली. १४१ धावा करत उस्मान ख्वाजा द्विशतकाकडे झपाट्याने पोहोचला होता, परंतु ऑफ-साइडवर ड्राईव्ह करण्यासाठी जागा मिळवण्याचा प्रयत्न करत असताना, अचूक चेंडूने त्याचा ऑफ स्टंप उखडला.
रॉबिन्सनने केलं क्लीन बोल्ड
डावखुऱ्या सलामीवीराने ३२१ चेंडूंच्या मॅरेथॉन खेळीत ३ षटकार आणि १४ चौकार लगावले. त्यानंतर शानदार फलंदाजी करणाऱ्या ख्वाजाला कर्णधार पॅट कमिन्सची चांगली साथ लाभली. ऑलीने ख्वाजाला क्लीन बोल्ड करत ही भागीदारी तोडली. उस्मान ख्वाजा बाद झाल्यानंतर इंग्लंडच्या गोलंदाजांनी वर्चस्व गाजवले. उस्मान ख्वाजाची विकेट मिळाल्यानंतर वेगवान गोलंदाज ऑली रॉबिन्सन खूपच उत्साहित दिसत होता. रॉबिन्सनने आक्षेपार्ह भाषा वापरत उस्मान ख्वाजाला बाद केल्याचा आनंद साजरा केला. नंतर तो असे म्हणतानाही दिसला की, आपल्याला याबद्दल कोणताही पश्चाताप नाही. ऑस्ट्रेलियन ड्रेसिंग रुम या सेलिब्रेशनकडे कसे बघेल, याने त्याला काही फरक पडत नाही.
सामना रोमांचक वळणावर
उस्मान ख्वाजाच्या विकेटने ऑस्ट्रेलियन कॅम्पमध्ये खळबळ उडाली. लागोपाठच्या षटकांत नॅथन लियॉन आणि स्कॉट बोलँड अनुक्रमे रॉबिन्सन आणि ब्रॉडचे बळी ठरले. कमिन्सने कर्णधारपदाची खेळी खेळताना तीन षटकारांच्या मदतीने ३८ धावा केल्या आणि बाद होणारा तो शेवटचा फलंदाज ठरला. इंग्लंडने पहिला डाव ८ बाद ३९३ धावांवर घोषित केला होता.