महाराष्ट्र २४ । विशेष प्रतिनिधी । दि.६ जुलै । आता दुर्गम खेड्यातही लोक गॅस सिलिंडर वापरून अन्न बनवतात. एलपीजी गॅस सिलिंडर सुरू झाल्यामुळे लोकांनाही मोठ्या प्रमाणात सुविधा मिळाल्या आहेत. तुम्ही कॉलवर किंवा ऑनलाइन गॅस सिलिंडर बुक करू शकता आणि ते थेट तुमच्या घरी पोहोचवू शकता. या सगळ्यात अनेकवेळा अशी प्रकरणे समोर येतात, ज्यामध्ये गॅस गळती होते. अशा परिस्थितीत गॅस गळती झाल्यास काय करावे हे जाणून घेतले पाहिजे, जेणेकरून मोठी दुर्घटना होण्याआधीच टाळता येईल. चला तर मग, जाणून घेऊया गॅस सिलेंडर लीक झाल्यावर तुम्ही काय करावे ते.
गॅस गळती झाल्यास काय करावे?
# जेव्हा जेव्हा गॅस गळती होते, तेव्हा चुकूनही माचिस पेटवायच्या भानगडीत पडू नका आणि लाईटचा स्विचही चालू करु नका. असे केल्यास आग लागू शकते. फक्त घराचे दरवाजे आणि खिडक्या काळजीपूर्वक उघडा, जेणेकरून आत गॅसमुळे गुदमरल्यासारखे होणार नाही.
# गॅस गळती झाल्यास, आपण ताबडतोब रेग्युलेटर बंद केले पाहिजे, ज्यामुळे गॅस गळती थांबते. पण जर तसे झाले नाही, तर तुम्ही सिलेंडरमधून रेग्युलेटर काढून सिलेंडरवर सेफ्टी कॅप लावावी. यामुळे गॅस गळती थांबते.
# जेव्हा तुमचा गॅस सिलेंडर गळत असेल, तेव्हा तुमच्या गॅस एजन्सीला कळवा. त्यांना सांगा की त्यांनी दिलेल्या सिलेंडरमधून गॅस गळत आहे. यानंतर एजन्सीद्वारे तुमचे सिलेंडर बदलले जाते. सिलिंडर घेताना फक्त लक्षात ठेवा आणि लिकेज तपासा.
# जर काही कारणास्तव गॅस गळतीनंतर सिलिंडरला आग लागली, तर तुम्हाला अजिबात घाबरण्याची गरज नाही. तुम्हाला जाड चादर किंवा ब्लँकेट पाण्यात भिजवावे लागेल आणि ते सिलेंडरवर गुंडाळावे लागेल. असे केल्याने आग विझवता येते.