महाराष्ट्र २४ । विशेष प्रतिनिधी । दि. २२ ऑगस्ट । मुस्लिम समाजाची 70 हजारांपेक्षा अधिक मतेही उद्धवसेनेसाठी महत्त्वाची राऊत यांनी परस्पर मतदारसंघ अन् उमेदवारी जाहीर केल्याने मविआमध्ये नाराजी, राष्ट्रवादीचा शरद पवार गटही करू शकतो दावा २००४ पासून राज्यसभेचे खासदार, २०२२ मध्ये पराभूत होता होता थोडक्यात बचावले उद्धवसेनेचे (उद्धव बाळासाहेब ठाकरे शिवसेना) राष्ट्रीय प्रवक्ते, राज्यसभेचे खासदार संजय राऊत लोकसभा निवडणूक लढवण्यास इच्छुक आहेत. ते ईशान्य मुंबई लोकसभा मतदारसंघातून लढणार असल्याची चर्चा सुरू झाली आहे. मात्र या जागेवर प्रकाश आंबेडकर यांच्या वंचित बहुजन आघाडीचा पाठिंबा मिळणे उद्धवसेनेसाठी खूप महत्त्वाचे आहे. कारण २०१९ च्या लोकसभा निवडणुकीत आंबेडकरांच्या पक्षाला ईशान्य मुंबई लोकसभा मतदारसंघात ७.५१ टक्के म्हणजेच एकूण ६८,२३९ मते मिळाली होती.
मविआमध्ये जागा वाटपाची बोलणी अंतिम टप्प्यात नसताना राऊतांनी मतदारसंघावर दावाही करून टाकला. यामुळे मविआमध्ये अस्वस्थता पसरली आहे. शरद पवारांच्या नेतृत्वाखालील राष्ट्रवादीने आतापर्यंत ही जागा लढवली आहे. त्यामुळे शरद पवार गटाचाही या जागेवर दावा आहे. दुसरीकडे मुस्लिम समाजाची ७० हजारांपेक्षा अधिक मते उद्धवसेनेसाठी महत्त्वाची ठरतील असे चित्र आहे.
साधा शिवसैनिकही सव्वादोन लाख मतांनी विजयी होईल
पक्षाची गरज, पक्षाचा आदेश जो असेल ते मानणाऱ्यांपैकी आम्ही आहोत. ईशान्य मुंबईत राऊत सोडून द्या, साधा शिवसैनिकही उभा राहिला तरी सव्वादोन लाख मतांनी विजयी होईल. पक्षाने आदेश दिल्यास मी तुरुंगात जाण्यास तयार आहे. आदेश आल्यावर आम्ही काहीही करतो. संजय राऊत, खासदार, राज्यसभा
ईशान्य मुंबई लोकसभेतील विधानसभांची स्थिती अशी
विधानसभा मतदार आमदार पक्ष
मुलुंड २,८७,१७३ मिहिर कोटेचा भाजप
विक्रोळी २,३१,१०४ सुनील राऊत उद्धवसेना
भांडूप (प.) २,८३,२७५ रमेश कोरगावकर उद्धवसेना
घाटकोपर (प.) २,७१,३४५ राम कदम भाजप
घाटकोपर (पू.) २,३४,६५६ पराग शहा भाजप
मानखुर्द शिवाजीनगर ३,०४,५२६ अबू आझमी समाजवादी पक्ष
भाजपच्या उमेदवाराला मिळाली होती ५६.६ टक्के मते : २०१९ मध्ये भाजपच्या कोटक यांनी ५,१४,५९९ (५६.६ टक्के),राष्ट्रवादीचे संजय दिना पाटील यांनी २ लाख ८८ हजार ११३ (३१.६९ टक्के) मते मिळाली होती.