महाराष्ट्र २४ । विशेष प्रतिनिधी । दि. २२ ऑगस्ट । सोशल मीडियावर एक पोस्ट मोठ्या प्रमाणात व्हायरल होत आहे. मोदी सरकार रक्षाबंधनसाठी बहिणी आणि महिलांना मोठे गिफ्ट देत असल्याचा दावा पोस्टमध्ये केला जात आहे. व्हायरल होत असलेल्या पोस्टनुसार, मोदी सरकार रक्षाबंधनाच्या दिवशी महिलांसाठी 3000 रुपयांची घोषणा करत आहे. त्यानंतर लोक त्यासाठी अर्ज करण्याची प्रक्रिया विचारत आहेत. आता प्रश्न पडतो की, तुम्हीही अशी पोस्ट पाहिली आहे का? जर उत्तर होय असेल, तर सावधान. वास्तविक, अधिकृत फॅक्टचेक वेबसाइट पीआयबीने या प्रकरणाचा तपास केला आहे. तपासात एक धक्कादायक खुलासा झाला आहे. जाणून घेऊया सरकार भगिनींना खरच 3 हजार रुपये देत आहे का?
पंतप्रधान मोदींनी बहिणींना रक्षाबंधनाची भेट दिल्याचा दावा सोशल मीडियावर केला जात आहे. या गदारोळात महिलांसाठी विशेष योजनेचा दावा संसदेत करण्यात आला आहे. याअंतर्गत सरकार दरमहा महिलांच्या खात्यात तीन हजार रुपये टाकणार आहे. लाडली योजनेचेही नाव दाव्यात आहे.
'Tnf Today' नामक फेसबुक पेज के एक वीडियो में दावा किया गया है कि 'लाडली बहना योजना' के तहत सभी महिलाओं को ₹3,000 प्रति माह मिलेंगे#PIBFactCheck
🔸यह दावा फर्जी है
🔸केंद्र सरकार द्वारा ऐसी कोई योजना नहीं चलाई जा रही है | pic.twitter.com/JP529cymZ9
— PIB Fact Check (@PIBFactCheck) August 17, 2023
केंद्रातील मोदी सरकारने संसदेत अशी कोणतीही योजना जाहीर केलेली नाही, असे तपासात समोर आले आहे. 15 ऑगस्ट रोजी पंतप्रधान मोदींनी लाल किल्ल्यावरून 10व्यांदा संबोधित केले तेव्हाही त्यांनी अशी कोणतीही योजना जाहीर केली नाही. तसेच आगामी काळात असे कोणतेही नियोजन त्यांनी उघड केले नाही. अशा परिस्थितीत पीआयबीच्या तथ्य तपासणीत हा दावा खोटा निघाला आहे. पीआयबीने लोकांना आवाहन केले आहे की त्यांनी अशा कोणत्याही खोट्या पोस्टवर विश्वास न ठेवण्याचे आवाहन केले आहे.
लाडली योजना मध्य प्रदेशचे मुख्यमंत्री शिवराज सिंह चौहान चालवत आहेत. मध्य प्रदेशातील महिलांच्या खात्यात 3000 रुपये देण्याचे आश्वासन देण्यात आले आहे. सरकार दरमहा एक हजार रुपये देते. रक्षाबंधन सणाच्या दिवशी ती वाढवून 1250 रुपये करण्यात येणार असल्याची चर्चा आहे. या योजनेसाठी नोंदणी सुरू आहे.