महाराष्ट्र २४ ।। विशेष प्रतिनिधी ।। दि. ८ जुलै ।। पावसाळ्यात अनेकदा घराबाहेर पडावंसं वाटत नाही, काही काम करावंसं वाटत नाही आणि सतत झोपही लागते. जर तुमच्यासोबतही असे घडत असेल तर आम्ही तुम्हाला काही टिप्स सांगत आहोत ज्यामुळे तुमचा आळस दूर होण्यास मदत होईल.
पावसाळ्यात वातावरणात ओलावा असतो, त्यामुळे जास्त घाम येतो ज्यामुळे डिहायड्रेशन होते. शरीरात पाण्याच्या कमतरतेमुळे ऊर्जा कमी होते आणि तुम्हाला आळस येऊ लागतो, अशा स्थितीत स्वत:ला जास्तीत जास्त हायड्रेट ठेवा, पुरेसे पाणी प्या. तुम्ही नारळ पाणी, फळांचा रस, लिंबूपाणी इत्यादी पिऊ शकता, यामुळे झोप, थकवा दूर होईल आणि तुम्ही उत्साही राहाल.
पावसाळ्यात पचनक्रिया मंदावते. अशा परिस्थितीत जास्त जड अन्न खाऊ नका. बऱ्याचदा, या वातावरणात, आपण खूप तळलेले अन्न खातो, यामुळे आपल्याला आळस आणि झोप येते. हे टाळण्यासाठी जड अन्न खाणे टाळावे.
पावसाळ्यात चहा-कॉफीऐवजी आरोग्यदायी पेय प्या. खरं तर, तुम्ही जास्त चहा प्यायल्यास तुमची झोप खराब होते आणि झोपेच्या कमतरतेमुळे तुम्हाला दुसऱ्या दिवशी थकवा जाणवतो. हे टाळण्यासाठी तुळशीचा चहा, आल्याचा चहा यांसारखी आरोग्यदायी पेये प्या, यामुळे ऊर्जा मिळेल आणि संसर्गाचा धोकाही कमी होईल.
जर तुम्हाला पावसामुळे जिमला जाता येत नसेल तर घरीच काही फिजिकल अ‍ॅक्टिव्हिटी करा, यामुळे तुम्हाला उत्साही वाटेल. जेव्हा तुम्ही व्यायाम करता तेव्हा तुमच्या शरीरातील रक्ताभिसरण सुधारते आणि चयापचय क्रियाही सुधारते, यामुळे तुम्हाला आळस दूर होण्यास मदत होईल.
