महाराष्ट्र २४ ।। विशेष प्रतिनिधी ।। दि. १६ ऑगस्ट ।। मराठी सिनेइंडस्ट्रीतली अभिनेत्री तेजस्विनी पंडित या ना त्या कारणामुळं चर्चेत असते.तसंच अनेकदा तिनं महाराष्ट्र नवनिर्माण सेना आणि अध्यक्ष राज ठाकरे यांना पाठिंबा देण्यासाठी पोस्ट शेअर केल्या आहेत. त्यामुळे ती चर्चेत आली होती. आता तेजस्विनीचा आणखी एक फोटो व्हायरल होतोय. या फोटोवर राज ठाकरे यांच्या आयुष्यावर सिनेमा तर येत नाहीये ना? असा प्रश्न सोशल मीडियावर विचारला जातोय.
सध्या एक फोटो सगळीकडे व्हायरल होताना दिसत असून त्याची सगळीकडे जोरदार चर्चा आहे. राज ठाकरे यांच्या आयुष्यावर आधारित चित्रपट येणार असल्याचे तर्कवितर्क काढले जात आहेत. राज ठाकरे यांच्यासारखे हुबेहुब दिसणारे एक गृहस्थ अभिनेत्री तेजस्विनी पंडित सोबत नुकतेच पाहाण्यात आले.
यावर राज यांच्या आयुष्यावर सिनेमा येतोय, अशा चर्चा रंगल्या आहेत. आता या फोटोवरून राज ठाकरे यांची भूमिका कोण साकारणार याबाबत उत्सुकता आहे.चित्रपट नेमका काय असणार? कोण कलाकार असणार? अभिनेत्री, दिग्दर्शिका की निर्माती- तेजस्विनी पंडितची भूमिका यापैकी नेमकी कोणती?हे गुपित काय आहे, हे जाणून घेण्याची उत्सुकता सगळ्यांनाच लागली आहे.