महाराष्ट्र २४ ।। विशेष प्रतिनिधी ।। दि. १ ऑक्टोबर ।। Gas Cylender Price Rise: ऑक्टोबर महिन्याच्या पहिल्या दिवशी सर्वसामान्यांसाठी एक वाईट बातमी समोर आली आहे. ती म्हणजे गॅस सिलेंडरचे भाव वाढले असून सर्वसामान्यांच्या खिशाला कात्री बसणार आहे. वाढलेल्या या सिलेंडरच्या किमतींमुळे व्यावसायिक सिलेंडरच्या किमती 1900 रुपयांच्या पुढे गेल्या आहेत.
मिळालेल्या माहितीनुसार, मार्च महिन्यापासून आतापर्यंत घरगुती गॅस सिलेंडरच्या दरात कोणताही बदल झाला नसला तरी व्यवसायिक सिलेंडरच्या दरात सातत्याने वाढ होत असल्याचे पहायला मिळत आहे. व्यवसायिक सिलेंडरच्या दरात ऑक्टोबर महिन्यातही वाढ झाली आहे.
घरगुती गॅस सिलेंडरच्या दरात कोणताही बदल नाही
मार्च महिन्यात घरगुती गॅस सिलिंडरच्या दरात 100 रुपयांची कपात करण्यात आली होती. तर 30 ऑगस्ट 2023 रोजी सरकारच्या आदेशानुसार तेल कंपन्यांनी गॅस सिलिंडरच्या दरात 200 रुपयांची कपात करण्याची घोषणा केली होती. . दिल्लीत घरगुती गॅस सिलिंडरची किंमत 803 रुपये आहे. कोलकातामध्ये गॅस सिलिंडरची किंमत ८२९ रुपये आहे. मुंबईत गॅस सिलिंडरचे दर 802.50 रुपये आहे चेन्नईमध्ये घरगुती गॅस सिलिंडरची किंमत 818.50 रुपये आहे.