टोमॅटो, कोबी, शिमला मिरचीच्या भावात वाढ

महाराष्ट्र २४ ।। विशेष प्रतिनिधी ।। दि. ६ ऑक्टोबर ।। गुलटेकडी येथील मार्केटयार्डातील तरकारी बाजारात राज्यासह परराज्यांतून येणारी फळभाज्यांची आवक मागील आठवड्यांच्या तुलनेत काही प्रमाणात वाढली होती. मात्र मागणी असल्याने टोमॅटो, कोबी, शिमला मिरची, शेवगा आणि मटारच्या भावात वाढ झाली असून अन्य सर्वच फळभाज्यांचे भाव स्थिर होते.

गुलटेकडी मार्केटयार्डमध्ये रविवारी (ता. ६) राज्याच्या विविध भागांसह परराज्यांतून सुमारे ९० ते १०० ट्रक फळभाज्यांची आवक झाली. विविध भाजीपाल्यांच्या आवकेमध्ये परराज्यांतून कर्नाटक, गुजरात आणि आंध्रप्रदेश येथून हिरवी मिरची ७ ते ८ टेम्पो, कर्नाटक आणि गुजरात येथून कोबी ४ ते ५ टेम्पो, कर्नाटकातून पावटा ३ ते ४ टेम्पो, आंध्रप्रदेश, तमिळनाडू येथून शेवगा २ ते ३ टेम्पो, इंदौर येथून ७ ते ८ टेम्पो गाजर, कर्नाटक आणि गुजरात येथून घेवडा ३ ते ४ टेम्पो, कर्नाटक, गुजरात येथून ५ ते ६ टेम्पो भुईमूग शेंगा, मध्यप्रदेशातून लसूण सुमारे ७ ते ८ टेम्पो इतकी आवक झाली होती.

स्थानिक भागातून झालेल्या आवकेमध्ये सातारी आले सुमारे ४०० ते ५०० गोणी, भेंडी ७ ते ८ टेम्पो, गवार ५ ते ६ टेम्पो, टोमॅटो साडेपाच ते सहा हजार क्रेट, हिरवी मिरची २ ते ३ टेम्पो, काकडी ८ ते १० टेम्पो, फ्लॉवर ८ ते १० टेम्पो, कोबी ५ ते ६ टेम्पो, सिमला मिरची ७ ते ८ टेम्पो, भुईमूग शेंगा ५०-६० गोणी, मटार पुरंदर, पारनेर, वाई आणि सातारा परिसरातून ५० ते ६० गोणी, तांबडा भोपळा १० ते १२ टेम्पो, कांदा सुमारे ७० ते ७५ ट्रक, इंदौर, आग्रा, स्थानिक भागातून बटाटा ५५ ते ६० टेम्पो आवक झाली असल्याची माहिती मार्केट यार्डमधील ज्येष्ठ आडतदार विलास भुजबळ यांनी दिली.

फळभाज्यांचे दहा किलोचे भाव : कांदा नवीन : २५०-३५० जुना : ३५०-४२० , बटाटा : २००-३००, लसूण : १७००- २९००, आले सातारी: नवीन : ३००-३५०, जुने : ६००-६५०, भेंडी : २००-३५०, गवार : ४००-६००, टोमॅटो : ३५०-४००, दोडका : ४००-४५०, हिरवी मिरची : २५०-४५०, दुधी भोपळा : १००-२००, चवळी : ३००-४००, काकडी : १२०-१६०, कारली : हिरवी ३००-३५०, पांढरी : २००-२५०, पापडी : ४००-५००, पडवळ : २५०-३००, फ्लॉवर :३५०-४००, कोबी : ८०-१२०, वांगी : २००-३००, डिंगरी : ४००-५००, नवलकोल : ७०-८०, ढोबळी मिरची : ५५०-६००, तोंडली : कळी : ३००-४००, जाड :१५०-१६०, शेवगा : १०००-१२००, गाजर : ३००-४००, वालवर : ५००-६००, बीट : १८०-२२०, घेवडा : २५०- ३००, कोहळा : १००- १५०, आर्वी: २००-२५०, घोसाळे : २५०-३००, ढेमसे : २५०-३००, भुईमूग शेंगा : ४५०-६००, मटार : स्थानिक : १३००-१४००, पावटा : ५००-६००, तांबडा भोपळा : ८०-१५०, सुरण : १८०-२००, मका कणीस : ५०-१००, नारळ (शेकडा) : १०००- १६००.

कोथिंबीर, राजगिऱ्याच्या भावात वाढ
मागील आठवड्याच्या तुलनेत कोथिंबीर, करडई, मुळा आणि राजगिऱ्याच्या भावात वाढ झाली असून चवळईच्या भावात घट झाली आहे तर मेथी, शेपू, कांदापात, पुदीना, अंबाडी, चुका आणि पालकचे भाव स्थिर असल्याची माहिती व्यापाऱ्यांनी दिली.
गुलटेकडी मार्केटयार्डातील घाऊक बाजारात रविवारी (ता. ६) कोथिंबिरीची सुमारे सव्वा लाख जुडी तर मेथीची ७० हजार जुडींची आवक झाली होती.
पालेभाज्यांचे शेकड्यातील भाव : कोथिंबीर : १०००-१५००, मेथी : ८००-१०००, शेपू : ५००- ८००, कांदापात : ८००-१२००, चाकवत : ४००-७००, करडई : ४००- ७००, पुदिना : ५००- ८००, अंबाडी : ५००-७००, मुळे : ८००-१५००, राजगिरा : ४००- ८००, चुका : ५००-८००, चवळई : ३००-६००, पालक : ८००-१५००.
—————-
चिक्कू, मोसंबीचे भाव स्थिर
नवरात्रोत्सवातील उपवास सुरू झाल्याने फळांना मागणी वाढली आहे. परिणामी कलिंगड, खरबूज, पपई आणि डाळिंबाच्या भावात वाढ झाली असून सीताफळ, अननस, चिक्कू, मोसंबी, संत्री, पेरू आणि लिंबांचे भाव स्थिर आहेत.
गुलटेकडी येथील मार्केटयार्ड फळबाजारात रविवारी (ता. ६) मोसंबी ७० ते ८० टन, संत्री ३० ते ४० टन, डाळिंब ६० ते ७० टन, पपई ८ ते १० टेम्पो, लिंबांची सुमारे दीड ते दोन हजार गोणी, कलिंगड ५ ते ६ टेम्पो, खरबूज १ ते २ टेम्पो, चिक्कू एक हजार बॉक्स, पेरू ७०० ते ८०० क्रेट, अननस ५ ट्रक, सीताफळ ३५ ते ४० टन इतकी आवक झाली होती.
फळांचे भाव पुढीलप्रमाणे – लिंबू (प्रतिगोणी) : ३००-१४००,
मोसंबी : (३ डझन) : १६०- ३००, (४ डझन) : ६०-१३०, संत्री : (१० किलो) : १५०-५००, डाळिंब (प्रतिकिलोस) : भगवा : ७०-३५०, आरक्ता : ३०-८०, गणेश : २०-७०, कलिंगड : ८-२०, खरबूज : २०-३०, पपई : १२-३०, चिक्कू (दहा किलो) : १००-५००, पेरू (२० किलो) : ४००-५००.
—————-
नवरात्रोत्सवामुळे फुलांना मागणी
गुलटेकडी येथील मार्केटयार्डातील फूलबाजारात घटस्थापनेनंतर फुलांची आवक घटली आहे. मात्र नवरात्रोत्सवामुळे मागणी टिकून असल्याची माहिती व्यापाऱ्यांनी दिली.
फुलांचे प्रतिकिलोचे दर पुढीलप्रमाणे : झेंडू : १०-५०, गुलछडी (सुट्टी) : १५०-२५०, अस्टर : जुडी २०-३०, सुट्टा: १००-१५०, शेवंती : ४०-२००, (गड्डीचे भाव) गुलाबगड्डी : २०-३०, गुलछडी काडी : १५-५०, डच गुलाब (२० नग) : ५०-१००, जरबेरा : २०-४०, कार्नेशियन : १००-१५०, शेवंती काडी १००-२००, लिलियम (१० काड्या) ८००-१०००, आॅर्चिड ३००- ५००, जिप्सोफिला : ५०-६०, जुई : ७००-१०००.