महाराष्ट्र २४ ।। विशेष प्रतिनिधी ।। दि. १ डिसेंबर ।। अल्लू अर्जुनचा बहुप्रतिक्षित ‘पुष्पा: द रुल’ या चित्रपटाची चाहत्यांची प्रतीक्षा तब्बल 3 वर्षांनी लवकरच संपणार आहे. 30 डिसेंबरपासून ‘पुष्पा 2’ची ॲडव्हान्स बुकिंग सुरू झाली असून यानंतर लोकांची क्रेझ वेगळ्याच पातळीवर आहे. आगाऊ बुकिंगच्या पहिल्याच दिवशी या चित्रपटाने शीर्ष 3 राष्ट्रीय साखळी – पीव्हीआर इनबॉक्स आणि सिनेपोलिसमध्ये प्रचंड विक्री केली आहे. पहिल्या दिवशी काही तासांतच ‘पुष्पा 2’ची 50,000 तिकिटे विकली गेली आहेत.
‘पुष्पा: द रुल’चे ॲडव्हान्स बुकिंग सुरू झाल्यापासून या चित्रपटाचे नाव हिंदी चित्रपटसृष्टीत सर्वाधिक विकल्या जाणाऱ्या चित्रपटांच्या यादीत आले आहे. सुकुमार दिग्दर्शित ‘पुष्पा 2’ 5 डिसेंबरला थिएटरमध्ये दाखल होणार आहे. सध्या, मुंबई, दिल्ली, बंगळुरू, चंदीगड यांसारख्या अनेक शहरांमध्ये या चित्रपटाचे आगाऊ बुकिंग अधिकृतपणे सुरू झाले आहे, परंतु हैदराबाद, चेन्नई आणि कोचीमध्ये त्याचे बुकिंग अद्याप सुरू व्हायचे आहे.
चित्रपटाची क्रेझ पाहता, पैसे कमावण्यासाठी अनेक ठिकाणी तिकीट दरात वाढ करण्यात आली आहे, ज्यामध्ये दिल्लीत ‘पुष्पा 2’च्या तिकीटाची सर्वाधिक किंमत 1800 रुपये आहे, तर मुंबई आणि बंगळुरूमध्ये तिकीटाची किंमत 1600 ते 1000 रुपये आहे. ‘पुष्पा 2’ च्या ॲडव्हान्स बुकिंगच्या पहिल्या दिवसाच्या कलेक्शनबद्दल सांगायचे तर, Sacknilk च्या रिपोर्टनुसार, चित्रपटाने सर्व भाषांमध्ये 180 कोटी रुपये (अंदाजे कमाई) कमाई केली आहे.
तेलंगणा सरकारने एक दिवस अगोदर ‘पुष्पा 2’च्या स्क्रीनिंगला सहमती दर्शवली आहे. अल्लू अर्जुन आणि रश्मिका मंदान्ना स्टारर ‘पुष्पा 2’ कडून अशी अपेक्षा आहे की तो 7 वर्षांपूर्वी रिलीज झालेल्या ‘बाहुबली 2’ चित्रपटाचा विक्रम मोडेल. 2017 मध्ये बाहुबली 2 ने 6.5 लाख तिकिटे विकली होती. ‘पुष्पा 2’ (हिंदी) ची थेट विक्री सुरू झाल्यानंतर अवघ्या 10 तासांत 55 हजार तिकिटांची विक्री झाली.