महाराष्ट्र २४ ।। विशेष प्रतिनिधी ।। दि.३० डिसेंबर ।। 30 डिसेंबर रोजी सोन्याच्या भावात किंचित वाढ झाली. स्पॉट गोल्ड 0.1% वाढून 2,622.74 डॉलर प्रति औंसवर आहे. भारतातही सोन्याच्या भावात वाढ होत आहे. 22 कॅरेट सोन्याचा भाव 150 रुपयांनी वाढून 7,150 रुपयांवर पोहोचला आहे.
सोने बाजारातील तज्ज्ञांनी सांगितले की, डॉलर निर्देशांक स्थिर राहिला, ज्यामुळे सोन्याच्या किमतीतील चढ-उतार रोखण्यात मदत झाली. भू-राजकीय तणावामुळे या वर्षी सोन्यामध्ये वाढ झाली आहे आणि 2025 मध्येही हा कल कायम राहील. सोन्याच्या भावात यंदा 27 टक्क्यांहून अधिक वाढ झाली आहे.
ऑगमॉन्ट-गोल्ड फॉर ऑल रिसर्च हेड आर. चैनानी म्हणाले की, सोन्याच्या भावातील वाढीचा कल कायम राहील अशी अपेक्षा आहे. आगामी काळात सोने 76,000 ते 78,500 रुपयांच्या दरम्यान राहण्याची अपेक्षा आहे.
सोने 76,000 रुपयांच्या खाली राहिल्यास, पुढील टार्गेट 75,000 रुपये असेल. महागाई आणि राजकीय अस्थिरतेपासून संरक्षण करण्यासाठी सोने हा आकर्षक गुंतवणूक पर्याय बनला आहे. तसेच, दीर्घकाळासाठी सोने हा सुरक्षित गुंतवणुकीचा पर्याय राहील, असे तज्ज्ञांचे मत आहे.
एका आठवड्यात चांदीच्या भावात 1,000 रुपयांची वाढ झाली असून आज सलग दुसऱ्या दिवशी 100 रुपयांची घसरण झाली आहे. 30 डिसेंबर रोजी चांदीचा भाव 92,300 रुपये प्रति किलो आहे. मुंबईत 92,500 रुपये प्रति किलो, चेन्नईमध्ये 99,800 रुपये आणि कोलकात्यात 92,300 रुपये या दराने चांदी विकली जात आहे.