महाराष्ट्र २४ – ऑनलाईन वृत्तसेवा – विशेष प्रतिनिधी – मुंबई – दि. १४ ऑगस्ट – कोरोना साथीच्या पाश्र्वभूमीवर एसटी महामंडळाच्या ‘स्मार्ट कार्ड’ योजनेला 15 ऑगस्ट 2020 पर्यंत मुदतवाढ देण्यात आली होती. परंतू सध्याच्या परिस्थिती लक्षात घेऊन या योजनेला आणखीन 30 नोव्हेंबर, 2020 पर्यंत मुदतवाढ देण्यात येत असल्याची माहिती परिवहन मंत्री व एसटी महामंडळाचे अध्यक्ष अॅड. अनिल परब यांनी दिली आहे.
या सवलत योजनेचा लाभ घेण्यासाठी संबंधित लाभार्थींना आधार क्रमांकाशी निगडीत असलेल्या आधुनिक ‘स्मार्ट कार्ड’ प्रदान करण्याची योजना एसटीने सुरू केली आहे. सध्या लॉकडाऊनच्या पार्श्वभूमीवर प्रवाशांना आगारात येऊन स्मार्टकार्ड घेणे शक्य नाही. त्यामुळे सदर योजनेला 30 नोव्हेंबर,2020 पर्यंत मुदतवाढ देण्यात येत असल्याची माहिती परब यांनी दिली आहे.