महाराष्ट्र २४ ।। विशेष प्रतिनिधी ।। गुरुवार दि.६ फेब्रुवारी ।। पुणेकरांना आज दुहेरी संकाटाचा सामना करावा लागणार आहे. पुण्यातील महत्त्वाच्या भागात आज पाणी पुरवठा आणि वीज पुरवठा खंडीत राहणार आहे. सहकारनगरमधील काही भागातील पाणीपुरवठा आज बंद राहणार आहे. तर शिवाजीनगर भागात आठ तास वीज पुरवठा बंद राहणार आहे. त्यामुळे पुणेकरांनावर आज दुहेरी संकट ओढावलं आहे.
पाणी पुरवठा कुठे बंद राहणार ?
पर्वती येथील टाक्यांमधून पाणीपुरवठा होणाऱ्या सहकारनगरमधील काही भागातील पाणीपुरवठा आज बंद राहणार आहे. तर उद्या सकाळी उशीरा व कमी दाबाने पाणीपुरवठा होणार आहे. समान पाणीपुरवठा योजनेअंतर्गत दुरुस्ती व जलवाहिनी जोडण्यासाठी हा पाणीपुरवठा बंद ठेवला जाईल, अशी माहिती पाणीपुरवठा विभागाचे मुख्य अभियंता यांनी दिली.
पाणीपुरवठा बंद राहणारा भाग…
मेघना सोसायटी, तुळशीबागवाले कॉलनी, सहकारनगर क्रमांक २ कमानीच्या आतील भाग, गोविंद गौरव सोसायटी, स्वानंद सोसायटी, नामदेव सोसायटी, संत ज्ञानेश्वर सोसायटी, लकाकि सोसायटी, अण्णा भाऊ साठे वसाहत, शाहू वसाहत, लक्ष्मीनगर मनपा शाळा १११ जवळील भाग आादी
शिवाजी नगर भागात आठ तास वीज पुरवठा बंद
शिवाजीनगर ते हिंजवडी मार्गावरील पुणे मेट्रो व महापारेषणच्या अतिउच्चदाब वीजवाहिन्यांच्या अत्यावश्यक कामांसाठी महापारेषणच्या तीन अतिउच्चदाब उपकेंद्रांचा वीजपुरवठा बंद ठेवण्यात येणार आहे. परिणामी महावितरणच्या उपकेंद्रांचा वीजपुरवठा बंद राहणार आहे. त्यामुळे आज सकाळी 8 ते दुपारी 4 वाजेपर्यंत प्रामुख्याने शिवाजीनगरसह डेक्कनमधील परिसरात वीजपुरवठा बंद राहणार आहे.
शिवाजीनगर ते हिंजवडी मार्गावर मेट्रोचे काम सुरू आहे.या मार्गावरील महापारेषणच्या 132 केव्ही भूमिगत वीजवाहिन्यांचे काम करण्यात येत आहे. मात्र त्यासाठी 220/132 केव्ही गणेशखिंड व चिंचवड अतिउच्चदाब उपकेंद्र आणि कोथरूडमधील जीकेआरएस उपकेंद्राचा वीजपुरवठा बंद ठेवावा लागणार आहे. वीज बंदच्या कालावधीबाबत संबंधित वीजग्राहकांना नोंदणीकृत मोबाईल क्रमांकावर एसएमएसद्वारे महावितरणकडून कळविण्यात आले आहे.नागरिकांनी सहकार्य करावे असा आव्हान महावितरण आणि मेट्रो आणि केल आहे.
या भागात वीज नाही
गणेशखिंड, मॉडेल कॉलनी, दीप बंगला परिसर, वडारवाडी, गोखलेनगर, जनता वसाहत, एमआयजी कॉलनी, वैदूवाडी, जनवाडी, वेताळबाबा चौक, मंगलवाडी, सेनापती बापट मार्ग, रमणबाग चौक, न्यू मराठी स्कूल, नारायण पेठ, शिवाजीनगर गावठाण, जंगली महाराज रोड, रोकडोबा मंदिर परिसर, लक्ष्मी रोड, कुमठेकर चौक, पोलिस लाइन वसाहत, घोले रोड, मॉडर्न कॉलेज, विजय टॉकीज, रेवेन्यू कॉलनी, सिमला ऑफिस, आकाशवाणी, जिल्हा न्यायालय, कामगार पुतळा, मेट्रो स्टेशन, संचेती हॉस्पिटल, ठुबे पार्क, औंध गाव, सिद्धार्थनगर, परिहार चौक, ब-ेमेन चौक, संघवी रोड, ओम सुपर मार्केट, थोरात चौक, वाकडेवाडी, साखर संकुल रोड, चाफेकरनगर, आकाशवाणी कॉलनी, राहुल थिएटर, खैरेवाडी, दळवी हॉस्पिटल, अशोकनगर, रेंज हिल्स रोड, काकडे मॉल, एबीआयएल, मोदीबाग, चव्हाणनगर तसेच आपटे रोड, रूपाली गल्ली, शिरोळे रोड, घोले रोड, पुलाची वाडी, संभाजी गार्डन, एफसी रोड, वैशाली हॉटेल, सुतारदरा, शिवतीर्थनगर, साम-राज्यनगर, शिक्षकनगर, जयभवानीनगर, किष्किंधानगर आदी परिसरातील वीजपुरवठा बंद राहणार आहे.