महाराष्ट्र २४ ।। विशेष प्रतिनिधी ।। सोमवार दि. ३१ मार्च ।। भारतीय संघ या वर्षात पुन्ही एकदा ऑस्ट्रेलियाच्या दौऱ्यावर जाणार असल्याचे आता समोर आले आहे. कारण भारतीय संघाचे ऑस्ट्रेलियाच्या दौऱ्याचे संपूर्ण वेळापत्रक आता समोर आले आहे.
भारत-ऑस्ट्रेलियात होणार दोन मालिका…
भारत आणि ऑस्ट्रेलिया यांच्यात काही महिन्यांपूर्वी कसोटी मालिका खेळवण्यात आली होती. ज्यामध्ये भारताला पराभव पत्करावा लागला होता. पण आता भारत पुन्हा एकदा ऑस्ट्रेलियाच्या दौऱ्यावर जाणार आहे. या दौऱ्यात भारत आणि ऑस्ट्रेलिया यांच्यात वनडे व टी २० मालिका खेळवली जाणार आहे.
वनडे मालिकेचे वेळापत्रक जाणून घ्या…
भारत आणि ऑस्ट्रेलिया यांच्यात तीन वनडे सामन्यांची मालिका खेळवली जाणार आहे. दोन्ही देशांतील पहिला वनडे सामना हा १९ ऑक्टोबरला पर्थ येथे होणार आहे. भारत आणि ऑस्ट्रेलिया यांच्यातील दुसरा वनडे सामना हा एडलेड येथे २३ ऑक्टोबरला खेळवण्यात येणार आहे. या मालिकेतील तिसरा आणि अखेरचा वनडे सामना हा सिडनी येथे २५ ऑक्टोबरला खेळवला जाणार आहे.
टी २० मालिकेचे वेळापत्रक पाहा…
भारत आणि ऑस्ट्रेलिया यांच्यात पाच टी २० सामन्यांची मालिका खेळवली जाणार आहे. दोन्ही देशांमधील पहिला टी २० सामना हा २९ ऑक्टोबरला कॅनबेरा येथे होणार आहे. त्यानंतर दुसरा टी २० सामना हा ३१ ऑक्टोबरला मेलबर्न येथे होणार आहे. या मालिकेतील तिसरा टी २० सामना हा २ नोव्हेंबरला होबार्ट येथे खेळवला जाणार आहे. भारत आणि ऑस्ट्रेलिया यांच्यातील चौथा टी २० सामना हा ६ नोव्हेंबरला गोल्ड कोस्ट येथे खेळण्यात येणार आहे. या मालिकेतील पाचवा आणि अखेरचा ची २० सामना हा ८ ऑक्टोबरला ब्रिस्बेनच्या मैदानात होणार आहे. भारतापूर्वी ऑस्ट्रेलियाचा संघ दक्षिण आफ्रिकेशी दोन हात करणार आहे आणि त्यांच्या मालिकांचे वेळापत्रकही आता समोर आले आहे.
भारताला ऑस्ट्रेलियाविरुद्धच्या कसोटी मालिकेत पराभव पत्करावा लागला होता, पण आता वनडे आणि टी २० मालिकेत भारताचा संघ विजय मिळवणार का, याची उत्सुकता चाहत्यांना नक्कीच असणार आहे.