महाराष्ट्र २४ – ऑनलाईन वृत्तसेवा – विशेष प्रतिनिधी – दि. १७ सप्टेंबर – मुंबई – केंद्रीय मंत्री नितीन गडकरी यांना कोरोनाची लागण झाल्याची माहिती समोर आली आहे. अशक्तपणा जाणवत असल्यामुळे गडकरी यांनी डाॅक्टरांचा सल्ला घेऊन चाचणी केली. त्यांची चाचणी पाॅझिटिव्ह आली आहे. त्यानंतर सध्या नितीन गडकरी यांनी स्वत:ला विलगीकरणात ठेवलं आहे.
Yesterday, I was feeling weak and consulted my Doctor. During the course of my check up, I have been tested COVID 19 positive. I am at present doing well with the blessings and good wishes of all. I have isolated myself.
— Nitin Gadkari (@nitin_gadkari) September 16, 2020
स्वत: नितीन गडकरी यांनी ट्विट करुन याबाबत माहिती दिली. त्यांनी आपल्या ट्विटमध्ये म्हटलं आहे की, काल त्यांना अशक्तपणा जाणवत होता. त्यानंतर त्यांनी डॉक्टरांचा सल्ला घेतला. माझी कोरोना चाचणी पॉझिटिव्ह आली आहे. सध्या माझी प्रकृती स्थिर आहे. मी स्वत:ला आयसोलेट केलं आहे. त्यानंतर पुढे त्यांनी लिहिलं आहे की, माझ्या संपर्कात आलेल्यांनी काळजी घ्यावी व कोरोनाच्या नियमांचे पालन करा. व सुरक्षित राहा. यापूर्वी गृहमंत्री अमित शहा यांना कोरोनाची लागण झाल्याची बातमी समोर आली होती. त्यांना रुग्णालयात हलविण्यात आलं होतं. रुग्णालयातून परतल्यानंतर पुन्हा श्वसनाचा त्रास सुरू झाल्याने त्यांना रुग्णालयात दाखल करावे लागले होते. त्यानंतर आता केंद्रीय मंत्री नितीन गडकरी यांना कोरोनाची लागण झाल्याचे वृत्त समोर आले आहे.