✍️ महाराष्ट्र २४ ।। ऑनलाईन ।। विशेष प्रतिनिधी ।। दि. १२ मार्च २०२६ ।। आखाती देशांतील वाढत्या युद्धजन्य परिस्थितीचा परिणाम जागतिक बाजारपेठांवर होत असून त्याचा थेट परिणाम सोने-चांदीच्या दरांवरही दिसून येत आहे. आंतरराष्ट्रीय बाजारात दरांमध्ये सतत चढ-उतार सुरू असताना आज भारतातील सराफा बाजारात सोन्याच्या दरात मोठी घसरण झाली आहे. मागील काही दिवसांपासून सुरू असलेल्या घसरणीनंतर आज पुन्हा एकदा सोनं स्वस्त झाल्याने ग्राहकांसाठी खरेदीची चांगली संधी निर्माण झाली आहे.
बाजारातील माहितीनुसार २४ कॅरेटच्या १० तोळे सोन्याच्या दरात तब्बल १०,९०० रुपयांची घसरण झाली आहे. त्यामुळे २४ कॅरेटचे १० तोळे सोनं आज १६,२२,२०० रुपयांवर आले आहे. तर १ तोळा २४ कॅरेट सोनं १,०९० रुपयांनी स्वस्त होऊन १,६२,२२० रुपयांवर पोहोचले आहे. त्याचप्रमाणे २२ कॅरेट सोन्याच्या दरातही मोठी घसरण झाली असून १ तोळा सोनं १,००० रुपयांनी कमी होऊन १,४८,७०० रुपयांवर आले आहे. १० तोळ्यांच्या दरात १०,००० रुपयांची घसरण झाली आहे.
२४ आणि २२ कॅरेटप्रमाणेच १८ कॅरेट सोन्याचे दरही आज कमी झाले आहेत. १८ कॅरेटच्या १ तोळा सोन्याच्या दरात ८१० रुपयांची घट झाली असून ते १,२१,६७० रुपयांवर आले आहे. १० तोळे १८ कॅरेट सोनं ८,१०० रुपयांनी स्वस्त होऊन १२,१६,७०० रुपयांवर विकले जात आहे. त्यामुळे सध्या बाजारात सोन्याची खरेदी करण्यासाठी अनुकूल वातावरण तयार झाल्याचे व्यापाऱ्यांचे म्हणणे आहे.
प्रमुख शहरांतील आजचे सोन्याचे दर
Mumbai
२४ कॅरेट – ₹16,222
२२ कॅरेट – ₹14,870
१८ कॅरेट – ₹12,167
Pune
२४ कॅरेट – ₹16,222
२२ कॅरेट – ₹14,870
१८ कॅरेट – ₹12,167
Chennai
२४ कॅरेट – ₹16,331
२२ कॅरेट – ₹14,970
१८ कॅरेट – ₹12,700
New Delhi
२४ कॅरेट – ₹16,237
२२ कॅरेट – ₹14,885
१८ कॅरेट – ₹12,182
Kolkata
२४ कॅरेट – ₹16,222
२२ कॅरेट – ₹14,870
१८ कॅरेट – ₹12,167
Ahmedabad
२४ कॅरेट – ₹16,227
२२ कॅरेट – ₹14,875
१८ कॅरेट – ₹12,172
जागतिक घडामोडी आणि चलनवाढीच्या पार्श्वभूमीवर सोन्याच्या दरात पुढील काळातही चढ-उतार सुरू राहण्याची शक्यता तज्ज्ञांनी व्यक्त केली आहे. त्यामुळे गुंतवणूकदारांनी बाजारातील घडामोडींवर लक्ष ठेवूनच खरेदी-विक्रीचे निर्णय घ्यावेत, असा सल्लाही दिला जात आहे. 💰📉