महाराष्ट्र २४ – ऑनलाईन वृत्तसेवा – विशेष प्रतिनिधी – दि. १ ऑक्टोबर – कणकवली: भारतीय जनता पक्षाचे नेते माजी मुख्यमंत्री नारायण राणे यांना करोनाची लागण झाल्याची माहिती त्यांनी स्वतः ट्विट करून दिली आहे. मागील काही काळात आपल्या संपर्कात आलेल्यांनी काळजी घ्यावी, असे आवाहनही त्यांनी केले आहे.
माझी कोविड टेस्ट पॉझिटिव्ह आलेली आहे. माझी तब्येत अतिशय उत्तम असून डॉक्टरांच्या सल्लानुसार मी काही दिवस आयसोलेट राहणार आहे. गेल्या काही दिवसांत माझ्या संपर्कात आलेल्या नागरिकांनी स्वतःच्या आरोग्याची काळजी घ्यावी. लवकरच मी लोकसेवेत पुन्हा रुजू होईल.
— Narayan Rane (@MeNarayanRane) October 1, 2020
महिला काही काळापासून देशातील आणि राज्यातील राजकीय पक्षांच्या नेत्यांना कोरोनाने गाठले आहे. उच्च शिक्षणमंत्री उदय सामंत यांच्या पाठोपाठ राणे यांना कोरोनाचा संसर्ग झाला आहे.
राणे हे व्यापक जनसंपर्क असलेले लोकनेते आहेत. केवळ सिंधुदुर्गच नव्हे तर मुंबई आणि राज्यभरात त्यांचे चाहते आणि कार्यकर्ते आहेत. त्यांच्या भोवती नेहमीच कार्यकर्ते आणि जनतेची पहायला मिळते.