महाराष्ट्र २४ ऑनलाईन – प्रतिनिधी – दि. ८ – मुंबई – गृहमंत्री अनिल देशमुख यांनी येत्या अधिवेशनात राज्यातील माता भगिनींसाठी सुरक्षेचे मोठे कवच निर्माण करणारा ‘दिशा’ कायदा संमत करून घेणार अशी ग्वाही दिली आहे. अनिल देशमुख सह्याद्री अतिथीगृह येथे आयोजित दिशा कायदा अंमलबजावणी तसेच महिला व अल्पवयीन मुलींवरील अत्याचार प्रतिबंध करण्यासाठी करावयाच्या उपाययोजना या संदर्भात बैठकीत बोलत होते.
अनिल देशमुख याबाबत म्हणाले की, माता भगिनींसाठी दिशा कायद्यांतर्गत मोठे सुरक्षा कवच निर्माण करण्यात येत असून यासंदर्भातील मसूदा अंतिम झाला असून माता-भगिनी तसेच तज्ञांकडून याबाबत अधिक सूचना देऊन त्याचाही अंतर्भाव यात करण्याबाबतची कार्यवाही तातडीने पूर्ण करून येत्या अधिवेशनात हा कायदा संमत करून घेतला जाईल, या बैठकीत सर्व प्रकारच्या चांगल्या सूचना आलेल्या आहेत त्याची नोंद घेवून हा कायदा अधिक चांगल्या पद्धतीने कसा करता येईल याचा विचार शासन करत असल्याचेही गृहमंत्र्यांनी सांगितले. स्काईपद्वारे या बैठकीत सहभाग नोंदवत विधान परिषद उपसभापती श्रीमती नीलम गोऱ्हे तसेच चारूलता टोकस यांनी आपल्या सूचना मांडल्या. उपस्थित महिला प्रतिनिधीनींही सहभाग घेवून महत्त्वाच्या बाबी अधोरेखित केल्या.
सह्याद्री अतिथीगृह येथे महिला व अल्पवयीन मुलींवरील अत्याचारांना प्रतिबंध करण्याकरिता आवश्यक उपाययोजना करण्याबाबत आणि दिशा कायद्याच्या अंमलबजावणी संदर्भात आढावा बैठक पार पडली. (१/२) pic.twitter.com/ecrLUvdrKF
— ANIL DESHMUKH (@AnilDeshmukhNCP) October 7, 2020
त्यात प्रामुख्याने महिला पोलीसांची संख्या वाढविणे, महिलांविषयक कायदे व सुविधा यांची अधिकाधिक प्रसिद्धी करणे, महिला आयोग अध्यक्ष व इतर सदस्यांच्या नियुक्त्या करणे, सोशल मीडिया संदर्भात अधिक जागरूकता, पोस्को केसेसचा निकाल, सायबर सेफ वुमन, महिलांसाठी विशेष न्यायालयाची निर्मीती करणे, दक्षता कमिटी, बीट मार्शल पद्धती, महिलांचे सेप्टी ऑडीट, गुन्हेगारांचा शिक्षा होण्याचा दर वाढविणे, महिलांसाठी कायदे विषयक माहिती केंद्र, महिलांसाठी सूचना, पत्र बॉक्स ठेवणे, महाविद्यालयात महिला पोलीस पथक, महिला पोलीस पाटील, सरपंच व स्थानिक पोलीस पथक यांची समिती, शस्त्रास्त्र प्रदर्शन, लॉकडाऊन काळातील झालेले गुन्हे अशा विविध विषयांचा समावेश आहे.