महाराष्ट्र 24 – ऑनलाईन – दिनांक – 2 फेब्रुवारी – मोरवाडीतील म्हाडा परिसरात, रिव्हरडेल सोसायटीसमोरील मोकळ्या मैदानात दिपक भोजने मित्र परिवार आणि परिसरातील नागरिकांच्या वतीने आयोजित शोकसभेत शब्द थरथरत होते आणि आठवणी ठाम उभ्या होत्या. अजितदादांना वाहिलेली ही श्रद्धांजली फक्त औपचारिक नव्हती, तर माणूस म्हणून त्यांच्या जगण्याची साक्ष होती. वेळेची शिस्त, कामाबाबतचा काटेकोरपणा आणि सामान्यांशी असलेली आपुलकी—या साऱ्यांनीच त्या संध्याकाळी मोरवाडी स्तब्ध झाली होती.
महावीर काळे यांनी अजितदादांच्या वेळेच्या शिस्तीचा अनुभव सांगितला, तर हनुमंत तरडे यांनी माथाडी कामगारांच्या प्रश्नांबाबत दादांची तळमळ उलगडली. शमा सय्यद यांनी महिलांप्रती असलेल्या सन्मानाची आठवण करून दिली—लहान कार्यकर्त्यांची आपुलकीने चौकशी करणारा नेता आज दुर्मिळ आहे, असे त्या म्हणाल्या. माजी नगरसेवक बाबू नायर यांनी १९८१ पासूनचा सहवास सांगताना दादांचा ठाम स्वभाव, फुले–शाहू–आंबेडकर विचारांशी असलेली निष्ठा आणि दूरदृष्टी अधोरेखित केली—ज्याचे मूर्त रूप म्हणजे आजचे पिंपरी-चिंचवड शहर.
या शोकसभेस शिवदास हांडे, तुषार खैरनार, अनिल घुले, गजानन म्हैसने, प्रदिप वाघमोडे, संजय मेनकुदळे, प्रविण भोसले, महेबूब शेख, सुहास सांवत, सुभाष सुर्यवंशी, श्रीकांत दुपारगुडे, रुपेश चांदणे, रेणुका भोजने, निकिता सुरवसे, हेमा ननावरे, रचना गायकवाड, वैशाली गायकवाड-बोत्रे, सुनिता इंगवले, सुनिता निकाळजे, स्वप्नील ठाकुर, अलोक गायकवाड, राम शिरोळे, सिद्धराज नेजकर, आकाश केदारी, अरुण देसाई, गोविंद रावत, निरज भोजने यांच्यासह इतर नागरिक आणि महिला भगिनी मोठ्या संख्येने उपस्थित होते. शेवटी दोन मिनिटे स्तब्ध राहून अजितदादांना श्रद्धांजली अर्पण करण्यात आली—नेते गेले, पण त्यांची माणुसकी मात्र इथेच थांबली.