Maharashtra 24

Spread the love

महाराष्ट्र २४ – ऑनलाईन वृत्तसेवा – विशेष प्रतिनिधी – दि. २५ नोव्हेंबर – केंद्र सरकाराने मंगळवारी 43 मोबाइल अॅप्सवर बंदी घातली. केंद्राने इन्फॉर्मेशन टेक्नोलॉजी अॅक्ट 69A अंतर्गत ही कारवाई केली. या अॅप्समुळे भारताच्या सार्वभौमत्व, ऐक्य आणि सुरक्षेसाठी धोकादायक असल्याचे केंद्र सरकारकडून सांगण्यात आले. बंदी घातलेल्या 43 अॅप्समध्ये 14 डेटिंग, 8 गेमिंग, 6 बिझनेस/ फायनांस आणि एका एंटरटेनमेंट अॅपचा समावेश आहे. केंद्र सरकारने मागील 148 दिवसांत 267 अॅप्सवर बंदी घातली आहे.

टिकटॉकनंतर स्नॅक व्हिडिओवर अॅक्शन

चीनी अॅप टिकटॉकवर बंदी घातलेल्या केंद्र सरकारने आता पॉपुलर चॅट अॅप स्नॅक व्हिडिओवरही बंदी घातली आहे. हे सिंगापुर बेस्ड चायनीज सॉफ्टवेअर कंपनी आहे. या अॅपचे 10 कोटींपेक्षा जास्त यूजर्स आहेत. टिकटॉक बॅन झाल्यानंतर या अॅपचे अवघ्या 2 महीन्यात 5 कोटींपेक्षा जास्त यूजर्स झाले होते. यातील सर्वाधिक यूजर्स भारतातील होते.

केंद्राने 4 वेळा अॅप्सविरोधात कारवाई केली

सरकारने आतापर्यंत चारवेळा अॅप्सवर कारवाई केली आहे. पहिल्यांदा 29 जूनला 59 चीनी अॅप्स बॅन करण्यात आले होते. गलवानमध्ये झालेल्या हिंसक हाणामारीनंतर ही कारवाई करण्यात आली होती. यानंतर 27 जुलैला 47 अॅप्स बंद करण्यात आले. लडाखमध्ये तणाव वाढल्यानंतर ही कारवाई करण्यात आली. यानंतर 2 सप्टेंबरला सरकारने पबजीसह 118 अॅप्स बॅन केले. त्यानंतर आता आज 24 नोव्हेंबरला परत एकदा सरकारने अॅप्सवर कारवाई केली आहे. केंद्राने हा निर्णय इंडियन सायबर क्राइम को-ऑर्डिनेशन सेंटरच्या गृह मंत्रालयला पाठवलेल्या रिपोर्टच्या आधारावर केला.