महाराष्ट्र २४ – ऑनलाईन वृत्तसेवा – विशेष प्रतिनिधी – दि. २३ जानेवारी – नव्या वर्षात सरकारनं नोकऱ्यांसाठी जाहिरातीही काढल्या आहेत. सरकारी नोकरीकडे तरुणांचा कल मोठ्या प्रमाणात वाढत आहे. बरेच तरुण 12 वीची परीक्षा उत्तीर्ण झाल्यानंतर स्पर्धा परीक्षेची तयारी करण्यास सुरुवात करतात. पण एवढी तयारी करूनही बऱ्याचदा सरकारी नोकरीसाठी (Government Job) कुठे जागा आहेत हे तरुणांना माहिती नसते. ते सोशल मीडियावर अनेक वेबसाईट शोधत असतात. पण आम्ही तुम्हाला यासंदर्भात माहिती देणार आहोत. (Government Job 2021 Live Govt Job Result Updates Apply For Ssc Cgl Nta Indian Army)
SSC CGL 2021: कर्मचारी निवड आयोगाने संयुक्त ग्रॅज्युएल स्तर (SSC CGL) 2021 साठी अधिसूचना जारी केलीय. त्याअंतर्गत बर्‍याच पदांवर भरती करण्यात येत आहे, त्यासाठी अर्ज प्रक्रिया 31 जानेवारी 2021 पर्यंत सुरू राहणार आहे. एकूण किती पदं भरणार ही माहिती भरतीनंतर देण्यात येणार आहे. गेल्या वर्षीही सुमारे 9500 पदे भरली होती.
कोचीन शिपयार्ड लिमिटेड (CSL) अनेक पदांवर भरती करीत आहे. ज्यासाठी अर्ज करण्याची प्रक्रिया 12 जानेवारी 2021 पासून सुरू झालीय. या पदांवर उमेदवारांना 77000 पर्यंत पगारही मिळेल. खास गोष्ट म्हणजे फक्त आपल्याला ऑनलाईन परीक्षा द्यावी लागेल आणि नोकरी मिळेल.
केरळ उच्च न्यायालयाने अनेक पदांवर नियुक्तीची अधिसूचना जारी केली होती. ज्यासाठी ऑनलाईन अर्ज करण्याची प्रक्रिया सुरू आहे. इच्छुक उमेदवार 29 जानेवारी 2021 पर्यंत अर्ज करू शकतात. अर्जदारांकडून फक्त पदवीधर पदवी असणे आवश्यक आहे. अधिक माहितीसाठी आणि अर्जासाठी संबंधित वेबसाईटला भेट द्या.
India Post GDS Recruitment: भारतीय डाक विभागांतर्गत ग्रामीण डाक सेवकांच्या रिक्त पदांवर भरती केली जात आहे. ज्यासाठी अर्ज प्रक्रियेची अंतिम तारीख 23 जानेवारी 2021 पर्यंत वाढविण्यात आलीय. पूर्वी ती फक्त 20 जानेवारीपर्यंत होती. नोकरीशी संबंधित सर्व माहिती मिळाल्यानंतर 10 वी उत्तीर्ण उमेदवार लवकरच अर्ज प्रक्रिया पूर्ण करू शकतात, ही शेवटची संधी आहे.
एनएचपीसी लिमिटेड (National Hydroelectric Power Corporation) ने अनेक पदांवर भरती काढली आहे. या नेमणुका ट्रेड अ‍ॅप्रेंटिसच्या रिक्त पदांसाठी होणार आहेत. खास गोष्ट अशी की, उमेदवारांची निवड गुणवत्तेच्या आधारे केली जाईल आणि अर्जदारांना कोणत्याही प्रकारची अर्ज फी भरावी लागणार नाही. दहावी पासही या नोकरीस पात्र ठरणार आहेत.
हरियाणा राष्ट्रीय आरोग्य अभियान (NHM) अनेक पदांवर भरती करणार आहे. ज्यासाठी ऑनलाईन अर्ज प्रक्रिया 31 जानेवारी 2021 पर्यंत सुरू राहील. 18 किंवा त्यापेक्षा जास्त वयाचे तरुण अर्ज करण्यास पात्र असतील. तसेच कोणतीही अर्ज फी भरावी लागणार नाही.
NALCO Recruitment 2021: नॅशनल अॅल्युमिनियम कंपनी लिमिटेडने (NALCO) 10 वी पास उमेदवारांसाठी बंपर रोजगार निर्मिती केलीय. इच्छुक उमेदवार 30 जानेवारी 2021 पर्यंत अर्ज करू शकतात. या नोकरीसाठी आपल्याला 90,000 पर्यंत पगारही मिळेल.
भारतीय सैन्यात नोकरी करणे ही प्रत्येक तरुणांसाठी अभिमानाची बाब आहे. त्यासाठी अभिमान आणि आदर तरुणांना आकर्षित करतो. ऑफिसर्स ट्रेनिंग अकॅडमी (OTA) गयाने विविध पदांवर भरतीसाठी अर्ज मागविले आहेत. ज्यासाठी अर्ज प्रक्रिया 02 फेब्रुवारी 2021 पर्यंत सुरू राहील