महाराष्ट्र २४- मार्केट यार्डात ‘कोकणचा राजा’ समजल्या जाणाऱ्या रत्नागिरी हापूस आंब्याची मार्केट यार्डात पहिली पेटी दाखल झाली आहे. बदलत्या हवामानामुळे रत्नागिरी आंब्याची गेल्या वर्षीच्या तुलनेत दोन महिने उशिराने आवक झाली आहे. पाच डझनाच्या एका पेटीला २१ हजार ५०० रुपये दर मिळाले आहेत. हा सर्वाधिक दर असल्याचे मानले जात आहे.
रत्नागिरी तालुका आणि जिल्ह्यातील टेंभे गावातील शेतकरी सुभाष मनोहर खाडे यांच्या बागेतून ही पेटी आली आहे. पुणे कृषी उत्पन्न बाजार समितीचे प्रशासक बी. जे. देशमुख यांच्या हस्ते या पेटीचे पूजन करण्यात आले. या पेटीची आवक अनिरुद्ध भोसले यांच्या मे. नामदेव रामचंद्र भोसले आणि सन्स या दुकानात झाली. त्या वेळी विविध आडते, खरेदीदार, विक्रेते उपस्थित होते. आडते रावसाहेब कुंजीर यांनी ही आंब्याची पेटी खरेदी केली. लिलावात या आंब्याच्या पेटीला २१ हजार ५०० रुपयांचा दर मिळाला