महाराष्ट्र २४ । ऑनलाईन । विशेष प्रतिनिधी । दि. १६ मे ।देशात एकीकडे कोरोनाचं संकट अधिक वाढत असताना महागाईनं सर्वसामान्य आणि गृहिणींचं कंबरडं मोडलं आहे. एक दिवस ब्रेक घेतल्यानंतर पुन्हा आज पेट्रोल आणि डिझेलच्या दरात वाढ झाली आहे. दिवसेंदिवस वाढणाऱ्या या पेट्रोल-डिझेलच्या किंमतीमुळे जवळपास पेट्रोलनं शंभरी ओलांडली आहे तर महाराष्ट्रात पेट्रोल शंभरीच्या उंबरठ्यावर पोहोचलं आहे.
राजस्थानच्या श्रीगंगानगर इथे पेट्रोलची किंमत 103.52 रुपये प्रति लिटर आहे. इंदूर, भोपाल, रीवा, अनूपपूर आणि महाराष्ट्रात जवळपास पेट्रोल 100च्या आसपास पोहोचलं आहे. दिल्लीमध्ये लिटरमागे 24 पैसे तर डिझेलमागे 27 पैशांची वाढ झाली आहे. निवडणूक झालेल्या 5 राज्यांमध्ये 10 दिवसांत पेट्रोल 2.21 पैशांनी महाग झालं आहे.
पेट्रोल-डिझेलचे प्रति लिटरचे आजचे दर
श्रीगंगानगर- पेट्रोल- 103.52, डिझेल- 95.99
अनूपपुर- पेट्रोल- 103.21, डिझेल- 93.98
रीवा- पेट्रोल- 102.85, डिझेल- 93.65
परभणी- पेट्रोल- 100.01, डिझेल- 90.12
भोपाल- पेट्रोल- 100.63, डिझेल- 91.59
पुणे- पेट्रोल- 98.51, डिझेल- 88.66
मुंबई- पेट्रोल- 98.88, डिझेल- 90.4
दिल्ली- पेट्रोल- 92.58, डिझेल- 83.22
कोलकाता- पेट्रोल- 92.67, डिझेल- 86.06