राशीभविष्य ; जाणून घ्या कसा असेल आजचा दिवस?

महाराष्ट्र २४ । विशेष प्रतिनिधी । दि. ७ जून ।

मेष
आज दिवस मध्यम असून ‘ओम सोम सोमाय नम:’मंत्र जप करावाराशिस्थानी असलेला चंद्र आज द्विधा मनस्थिती करेल. राशी स्वामी मंगळाचे राश्यांतर कर्क राशीत झाले असुन माता, गृह या संदर्भात काळजी घ्यावी लाभ स्थानातील गुरु परिस्थिती नियंत्रणात ठेवेल .

वृषभ
आज दिवस कार्य क्षेत्रात शुभ. दिवस साधारण आहे. राशीच्या व्यय स्थानातील चंद्राचे भ्रमण आर्थिक किंवा स्वास्थ्य संबंधी अडचणी निर्माण करेल. खर्च सांभाळून करावा. प्रकृतीची काळजी घ्यावी. राशिस्थानी असलेला राहु मन संभ्रमात टाकेल.

मिथुन
आज दिवस शुभ आहे. भाग्यात गुरू शुभ असुन समस्या सोडविण्यासाठी मदत करेल .राशीच्या लाभ स्थानातून होणारे चंद्र भ्रमण लाभदायक आहे. मंगळ नुकताच कर्क राशीत गेला आहे. त्यामुळे आर्थिक बाबी सांभाळा.

कर्क
आज प्रकृती सांभाळा. ओम अं.अंगारकाय नम: हा जप करावा. दिवस मध्यम आहे. चंद्राचे दशमातील भ्रमण कार्य क्षेत्रात कामाचा ताण वाढवेल. अष्टमात गुरू असल्याने प्रत्येक काम काळजीपूर्वक करणे आवश्यक आहे.

सिंह
आज चंद्र राशीच्या भाग्य स्थानात आहे. सिंह राशीच्या व्यक्तींना आजचा दिवस शुभ आहे. परंतु नुकतेच व्यय स्थानात झालेले मंगळाचे भ्रमण काहीशी शारीरिक, आर्थिक, अडचण निर्माण करेल. सावधान असावे. गुरु च्या प्रभाव क्षेत्रात आहात. दिवस शुभ.

कन्या
आज कामात अडथळे निर्माण होतील. फारशी महत्त्वाची कामे आज टाळा. चंद्राचे भ्रमण आज राशीच्या अष्टमात असुन मन अशांत, हुरहुर, प्रकृती नाजुक राहिल.नामस्मरण करा . दिवस साधारण आहे.

तुला
आज आपल्या जोडीदाराच्या सोबत दिवस आनंदाने घालवा.जोडीने निर्णय घ्या.चंद्र आज राशीच्या सप्तम स्थानात विराजमान आहे. दशमातील मंगल नवीन संधी देणारा आहे. काम हीच पुजा. दिवस शुभ आहे.

वृश्चिक
सध्याचा काळ सांभाळून राहण्याचा आहे. मन शांत ठेवा. गुरू स्मरण करा. आज षष्ठात असलेला चंद्र प्रकृतीच्या बारीक सारीक तक्रारी निर्माण करेल. दिवस फार अनुकूल नाही.

धनु
अष्टमात झालेले मंगळाचे पदार्पण,पुढील काळ सावध असावे लागेल. दिवस शुभ आहे.चंद्र आज राशीच्या पंचम स्थानात आहे. मुलांकडे आज खास लक्ष द्यावे लागेल. त्यांची प्रकृती, शिक्षण इकडे काही समस्या निर्माण होऊ नये असे निर्णय घ्या. त्यांच्या सोबत वेळ घालवा.

मकर
आज मकर राशीच्या लोकांनी स्वतः घराकडे विशेष लक्ष द्यावे. घरातील जास्तीची कामे उरकून घ्यावी. राशीतील शनी महाराज मंगळा शी सम सप्तक योग करीत आहेत. जपुन रहा.शनी जप सुरू ठेवा. दिवस चांगला आहे.

कुंभ
आज दिवस अनुकूल आहे. चंद्र आज तृतीय स्थानातून भ्रमण करणार आहे. जवळच्या आप्त मित्रांचे फोन येतील. छोटासा प्रवास घडू शकतो. भाऊ बहिणी भेटू शकतील. राशीतील गुरू सहाय्य करेल.

मीन
आर्थिक घडामोडी होतील. येणे वसुल होईल. मात्र गुरू जप करणे आवश्यक आहे.राशीच्या धन स्थानातील चंद्राचे भ्रमण शुभ आहे. मुलांची काळजी घ्या. दिवस अनुकूल आहे.