महाराष्ट्र २४ । विशेष प्रतिनिधी । दि. ३० जून । कोरोनामुळे शाळा बंद असलेल्या विद्यार्थी आणि पालकांसमोरील समस्या आणखी वाढण्याची शक्यता आहे. कारण, बालभारतीकडून पुरवण्यात येणाऱ्या ऑनलाईन अभ्यासक्रमासाठी आता पैसे मोजावे लागणार आहे. अगोदरच ऑनलाईन शिक्षणासाठी (Online education) मुलांना स्मार्टफोन किंवा टॅब घेऊन देण्याची वेळ पालकांवर आली होती. अशातच आता बालभारतीचे ई-साहित्य सशुल्क झाल्याने पालकांना नवा भुर्दंड सहन करावा लागणार आहे. ( Now students have to pay for Ebalbharati books diksha app)
बालभारतीकडून विद्यार्थ्यांना अभ्यासक्रमाचे ई-साहित्य उपलब्ध म्हणून पाठ्यपुस्तकांची पीडीएफ, ‘दिक्षा अ‍ॅप’द्वारे व्हिडिओ असे साहित्य उपलब्ध करून दिले जाते. अशात आता अधिक चांगल्या प्रकारे अभ्यास करायचा असेल, तर विद्यार्थ्यांसाठी बालभारतीने ‘ई-बालभारती’ अ‍ॅप केलं विकसित केले आहे. मात्र, हे अ‍ॅप वापरण्यासाठी नोंदणी शुल्क भरावे लागणार आहे. या निर्णयावर शाळा, शिक्षक, विद्यार्थी-पालक यांनी केली नाराजी व्यक्त केली आहे.
या निर्णयानंतर टीकेचा सूर उमटल्यानंतर बालभारतीकडून तातडीने स्पष्टीकरण देण्यात आले आहे. सर्वांनीच नवे अ‍ॅप वापरण्याची सक्ती नाही. या अ‍ॅपसाठी बालभारतीकडून 50 रुपये नोंदणी शुल्क आकारले जाणार आहे. या अ‍ॅपवर सध्या इयत्ता पहिले ते पाचवी आणि इयत्ता दहावी मराठी आणि इंग्रजी माध्यमाचे ई-साहित्य उपलब्ध होईल. लवकरच उर्वरित इयत्तांचा अभ्यासक्रमही अ‍ॅपवर उपलब्ध करून देण्यात येणार असल्याचे बालभारतीकडून सांगण्यात आले.