महाराष्ट्र २४ । विशेष प्रतिनिधी । दि. १जुलै । हिंदू धर्मात अमावस्येला विशेष महत्त्व आहे (Ashadha Amavasya 2021). अमावस्या तिथी प्रत्येक महिन्याच्या कृष्ण पक्षाच्या शेवटच्या तारखेला येते. परंतु धार्मिक महत्त्वानुसार आषाढ महिन्याची अमावस्या खूप फायदेशीर मानली जाते. या अमावस्येला हलहारिणी आणि आषाढी अमावस्या म्हणूनही ओळखले जाते. या अमावस्येच्या दिवशी शेतकरी नांगर आणि शेतात वापरणाऱ्या वस्तूंची पूजा करतात. हा महिना शेतकऱ्यांसाठी खूप महत्वाचा असतो. या दिवशी शेतकरी पूजो करतात आणि चांगल्या पिकांसाठी प्रार्थना करतात (Ashadha Amavasya 2021 Know The Tithi Shubh Muhurat And Importance Of This Day).
पूर्वजांच्या श्राद्धासाठीही अमावस्येचा दिवस खूप महत्वाचा आहे. या दिवशी पवित्र नदीत स्नान आणि पूर्वजांच्या तर्पणासाठी दान केले जाते. आषाढ महिन्याचा शुभ मुहूर्त, पूजेची पद्धत आणि महत्त्व याबद्दल जाणून घ्या –
# आषाढ अमावस्येचा शुभ मुहूर्त
यावेळी आषाढ महिना 25 जून रोजी कृष्ण पक्षाच्या प्रतिपदाच्या तिथीपासून सुरु झाला. यावेळी अमावस्या तिथी 9 जुलै 2021 रोजी सकाळी 05 वाजून 16 मिनिटांपासून ते 10 जुलै रोजी सकाळी 06 वाजून 46 मिनिटांपर्यंत असेल.
# अमावस्येच्या दिवशी सकाळी लवकर उठून ब्रह्म मुहूर्तात स्नान करावे. यानंतर भगवान सूर्याला अर्घ्य द्या आणि नंतर पूजा करा आणि पितरांचं तर्पण करा. या दिवशी विधीवत पितरांची उपासना करा. काही लोक पूर्वजांच्या आत्म्याच्या शांतीसाठी उपवासही ठेवतात. ब्राह्मणांना भोजन द्या. यानंतर दान-दक्षिणा द्या.
# शास्त्रात अमावस्येचा दिवस खूप महत्वाचा मानला जातो. या दिवशी लोक पवित्र नदीत स्नान करतात आणि पितरांना तर्पण करतात. या दिवशी अनेक लोक पितृ दोषातून मुक्त होण्यासाठी शुभ अनुष्ठान करतात. हा दिवस पूर्वजांच्या कर्म आणि श्राद्धासाठी खूप महत्वाचा आहे.
# अमावस्येच्या दिवशी पूर्वजांच्या आत्म्याच्या शांतीसाठी व्रत ठेवा आणि गरिबांना दान आणि दक्षिणा द्या. या दिवशी सकाळी आंघोळ केल्यावर, पिंपळाच्या झाडाला जल अर्पण करा आणि संध्याकाळी दिवा लावा. या खास दिवशी गरजूंना अन्न, कपडे इत्यादी दान करावे.