महाराष्ट्र २४ । विशेष प्रतिनिधी । दि. 15 जुलै । सोन्याच्या किमतीत सलग तिसऱ्या दिवशी तेजी दिसून आली आहे. आज गुरुवारी कमॉडिटी बाजारात सोने २०० रुपयांनी महागले असून सोन्याने पुन्हा एकदा ४८ हजारांचा टप्पा ओलांडला आहे. मागील चार आठवड्यातील सोन्याचा उच्चांकी स्तर आहे.सध्या मल्टी कमॉडिटी एक्सचेंजमध्ये सोन्याचा भाव ४८४३५ रुपये आहे. त्यात १३६ रुपयांची वाढ झाली आहे. तत्पूर्वी सकाळी एमसीएक्सवर सोन्याचा भाव ४८५०१ रुपयांपर्यंत वाढला होता. यापूर्वी मंगळवारी आणि बुधवारी सोन्याचा भाव वाढला होता. मंगळवारी ‘एमसीएक्स’वर सोन्याचा भाव ४७८८० रुपयांवर बंद झाला होता . त्यात ११० रुपयांची वाढ झाली होती.
एमसीएक्सवर सध्या एक किलो चांदीचा भाव ६९६७० रुपये असून त्यात २५८ रुपयांची वाढ झाली आहे. बुधवारी चांदीला नफावसुलीचा फटका बसला होता. काल एक किलो चांदीचा भाव ६९०४५ रुपयांपर्यंत खाली आला होता त्यात ३३० रुपयांची घसरण झाली होती. मात्र त्यानंतर चांदीचा भाव सावरला.
Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४७०९० रुपये झाला आहे. मुंबईत आज २४ कॅरेटचा भाव ४८०९० रुपये इतका वाढला आहे. दिल्लीत आजचा २२ कॅरेट सोन्याचा भाव ४७०६० रुपये झाला आहे. २४ कॅरेटसाठी सोन्याचा भाव ५१२६० रुपये झाला आहे. आज चेन्नईत २२ कॅरेटसाठी ४५५७० रुपये तर २४ कॅरेट सोन्याचा भाव ४९७२० रुपये आहे. कोलकात्यात आज २२ कॅरेट सोन्याचा भाव ४७४१० रुपये असून २४ कॅरेट सोन्याचा भाव ५०११० रुपये आहे.जागतिक बाजारात आज स्पॉट गोल्डचा भाव १८२४.८१ डॉलर झाला आहे.