महाराष्ट्र २४ । विशेष प्रतिनिधी । दि. २० ऑगस्ट । नो पार्किंगमधील बाईक वाहतूक पोलिसांनी थेट चालकासह टोईंग केल्याचा धक्कादायक प्रकार समोर आला आहे. वाहतूक पोलिसांनी पुण्यातील नाना पेठ परिसरात एका दुचाकीस्वाराला गाडीसकट टोईंग व्हॅनमध्ये उचलून ठेवले.ही घटना गुरूवारी पावणे-पाचच्या सुमारास घडली आहे. यावरून भारतात लोकशाही आहे की, तालिबानी कारभार, असा प्रश्न पुणेकरांना पडला आहे.
दुचाकी स्वारांना अडवून काही न काही कारणे सांगून अडविणे, त्यांच्याकडून वसुली करणे, हे प्रकार शहरात सर्रासपणे घडत असल्याचा आरोप नागरिकांकडून करण्यात येत आहे.नाना पेठ परिसरात वाहतूक पोलिसांनी गाडी सकट दुचाकीस्वाराला उचलून टोईंग व्हॅनमध्ये गाडी ठेवली.वाहनचालक जर चुकत असेल तर अशा चुकीच्या पध्दतीने कारवाई करण्याची चूक वाहतूक पोलिसाने करणे, तरी कुठपत योग्य आहे. अशा कारवाई वेळी जर दुचाकीस्वार गाडीवरून पडला असता आणि त्याच्या मेंदूला मार लागला असता तर याला जबाबदार कोण?