महाराष्ट्र २४ । विशेष प्रतिनिधी । दि. २५ ऑगस्ट । कोरोना लस कोविशिल्डच्या (Covishield) दोन डोसमधील अंतर कमी केले जाऊ शकते. हे अंतर कमी करण्याची सूचना IAPSM म्हणजेच इंडियन असोसिएशन ऑफ प्रिव्हेंटिव्ह अँड सोशल मेडिसिन या आरोग्य क्षेत्रात कार्यरत असलेल्या संस्थेने केली आहे. या संदर्भात IAPSM चे म्हणणे आहे की केंद्र सरकार या प्रकरणाचा विचार करत आहे. सध्या देशात 59 कोटींपेक्षा जास्त लस डोस (Vaccine Dose) देण्यात आले आहेत आणि लसीकरणाची प्रक्रिया जलद करण्यासाठी सरकारकडून प्रयत्न केले जात आहेत. आता दोन डोसमधील अंतर 12 आठवड्यांवरून 8 आठवड्यांपर्यंत कमी करण्याचा विचार केला जात आहे.
IAPSM ने कोविशिल्डच्या दोन्ही डोसमधील अंतर कमी करण्यासाठी केंद्र सरकारला सूचवले आहे. संस्थेचा असा विश्वास आहे की अंतर कमी करून, लोक शक्य तितक्या लवकर दोन्ही डोस घेऊ शकतील. यामुळे संसर्गाचा धोकाही कमी होईल. असे लक्षात आले आहे की ज्या लोकांनी दोन्ही डोस घेतले आहेत त्यांना एक डोस घेतलेल्या लोकांपेक्षा संसर्गाचा धोका कमी आहे.
तज्ज्ञांचा असाही विश्वास आहे की डेल्टा (Delta Variant) प्रकारामुळे लोकांमध्ये संसर्गाचा धोका खूप वाढला आहे. लसीच्या डोसचे समीक्षा करण्याची गरज आहे आणि केंद्र सरकार या दिशेने विचार करत आहे.
IAPSM च्या अध्यक्षा डॉ. सुनीला गर्ग यांच्या मते, ‘आमच्याकडे लसीतील अंतर कमी करण्याची सूचना आहे आणि केंद्र त्यावर विचार करत आहे. आमचे प्राधान्य जास्तीत जास्त लोकांना लसीकरण करणे आहे, आम्ही असेही शिफारस करतो की ज्यांना संसर्ग झाला आहे त्यांना लस देऊ नये.
आरोग्य तज्ज्ञांचा असा युक्तिवाद आहे की, जेव्हा कोविशिल्डच्या दोन डोसमधील अंतर जास्तीत जास्त 16 आठवड्यांपर्यंत वाढवले गेले, तेव्हा देशात लसीची कमतरता होती. पण आता देशात सहा कंपन्यांच्या लसीला परवानगी देण्यात आली आहे. जर अंतर कमी झाले तर जास्त लोकांना पूर्ण लसीकरण करता येईल आणि कोरोनाचे रुग्ण गंभीर होण्यापासून किंवा रुग्णालयात दाखल होण्यापासून वाचतील.