महाराष्ट्र २४ । विशेष प्रतिनिधी । दि. २० ऑक्टोबर । इंडियन रेल्वे केटरिंग अँड टुरिझम कॉर्पोरेशन (IRCTC) च्या शेअर्समध्ये सलग दुसऱ्या दिवशी मोठी घट नोंदवण्यात आली आहे. बुधवारी सुरुवातीच्या व्यवहारात, BSE वरील IRCTC चे शेअर्स 19 टक्क्यांपर्यंत खाली आले. व्यवसायादरम्यान, 18.49 टक्के कमी होऊन 4371.25 रुपयांवर आला. मंगळवारी देखील IRCTC चा शेअर्स 15 टक्क्यांपर्यंत खाली आला होता. यामुळे गुंतवणूकदारांचे मोठे नुकसान झाले आहे. दोन दिवसांत त्यांची संपत्ती 30,000 कोटी रुपयांपेक्षा कमी झाली आहे.
आयआरसीटीसी बुधवारी स्टॉक एक्सचेंज एनएसईच्या फ्यूचर अॅन्ड ऑप्शन (एफ अँड ओ) प्रतिबंध सूचीचा एक भाग आहे. नॅशनल स्टॉक एक्सचेंज (NSE) च्या मते, एफ आणि ओ सेगमेंट अंतर्गत स्टॉकवर बंदी घालण्यात आली आहे. कारण ती बाजार-व्यापी स्थिती मर्यादेच्या (MWPL) 95 टक्के ओलांडली आहे.
RITES ने रेल्वेमध्ये रेग्युलेटर नियुक्त करण्यासाठी अहवाल दिला आहे. RITES च्या अहवालानंतर आता कॅबिनेट नोट बनवली जाईल. पैसेंजर ट्रेनसाठी रेग्युलेटरची शिफारस करण्यात आली आहे. पॅसेंजर गाड्या देखील नियामकच्या कक्षेत येतील. या बातमीनंतर आयआरसीटीसीच्या शेअरमध्ये घट होण्याचा ट्रेंड सुरूच आहे.
आयआरसीटीसीचा शेअर दोन दिवसांत 2000 हून अधिक अंकांनी तुटला आहे. मंगळवारी, शेअर 6393 रुपयांच्या ऑलटाइम हाईवर पोहोचला होता. त्याच वेळी आज ते 4371.25 रुपयांच्या नीचांकावर आला आहे. अशाप्रकारे, शेअरने दोन दिवसात 2022 चा आकडा मोडला. शेअरमध्ये अचानक घसरण झाल्याने गुंतवणूकदारांना मोठा झटका बसला आहे. ट्रेडिंग दरम्यान गुंतवणूकदारांची संपत्ती 30,386 रुपयांनी कमी झाली आहे.
IRCTC चा शेअर 14 ऑक्टोबर 2019 रोजी शेअर बाजारात लिस्ट झाला होता. त्यावेळी त्याची इश्यू किंमत 320 रुपये होती. इश्यू किमतीच्या तुलनेत शेअरने जवळपास 18 वेळा उडी घेतली आहे. या अर्थाने, गेल्या दोन वर्षांत, या शेअरने सुमारे 1800 टक्के परतावा दिला आहे. गेल्या एका आठवड्यात 30 टक्के, एका महिन्यात 62 टक्के, तीन महिन्यांत 160 टक्के, या वर्षी आतापर्यंत 335 टक्के आणि गेल्या एका वर्षात 370 टक्क्यांनी वाढ झाली आहे.
या कंपनीत सरकारचा 67.40 टक्के हिस्सा आहे. परदेशी गुंतवणूकदार 7.81 टक्के, घरगुती गुंतवणूकदार 8.48 टक्के आणि जनतेकडे 16.32 टक्के आहेत. सप्टेंबर तिमाहीत प्रमोटर अर्थात सरकारचा हिस्सा स्थिर राहिला. म्युच्युअल फंडांनी त्यात त्यांचा हिस्सा 7.28 टक्क्यांवरून 4.78 टक्के केला आहे. विदेशी गुंतवणूकदारांनी म्हणजेच FII / FPI ने त्यांचा हिस्सा 8.07 टक्क्यांवरून 7.81 टक्के केला आहे. 25 म्युच्युअल फंड योजनांनी या शेअरमध्ये गुंतवणूक केली आहे.