महाराष्ट्र २४ । विशेष प्रतिनिधी । दि. २२ ऑक्टोबर । दसऱ्याच्या सणापासून सोन्याच्या किंमतीत पुन्हा वाढ व्हायला सुरुवात झाली आहे. दिवाळीपर्यंत सोन्याचा भाव चांगलाच वधारेल, असे म्हटले जात आहे. मल्टी कमोडिटी एक्सचेंज (एमसीएक्स) वर शुक्रवारी डिसेंबर वायदा सोन्याची किंमत प्रति 10 ग्रॅम 0.35 टक्क्यांनी वाढली. त्याचबरोबर डिसेंबर वायदामध्ये चांदीच्या दरात 0.49 टक्क्यांची वाढ झाली.
गेल्या ऑगस्टमध्ये, MCX वर 10 ग्रॅम सोन्याची किंमत 56,200 रुपयांच्या सर्वोच्च पातळीवर पोहोचली होती. आज, डिसेंबर वायदा MCX वर सोने 47,568 रुपये प्रति 10 ग्रॅमच्या पातळीवर आहे. त्यामुळे सोन्याचा दर सार्वकालिक उच्चांकापेक्षा 8632 रुपयांनी कमी आहे. ऑक्टोबर डिलिव्हरीसाठी सोन्याची किंमत आज 0.35 टक्क्यांनी वाढून 47,568 रुपये प्रति 10 ग्रॅम झाली आहे. त्याचबरोबर आजच्या व्यवहारात चांदी 0.49 टक्क्यांनी वाढून 65,333 रुपये प्रति किलोवर व्यवहार करत आहे.
दिवाळी ते डिसेंबरपर्यंत सोन्याची किंमत 57 हजार रुपयांपासून 60 हजार रुपयांपर्यंत जाऊ शकते. म्हणजेच आता जे भाव चालू आहेत ते 14 हजार प्रति 10 ग्रॅमपर्यंत वाढू शकतात. जोपर्यंत चांदीचा प्रश्न आहे, त्यातही मोठी वाढ होऊ शकते. बहुतेक व्यापाऱ्यांचा असा विश्वास आहे की, दिवाळीपर्यंत किंवा वर्षाच्या अखेरीपर्यंत चांदीचे दर 76,000 ते 82,000 रुपये प्रति किलोपर्यंत जाऊ शकतात.
बाजार नियामक सेबीने बुधवारी गोल्ड एक्सचेंज उभारण्याच्या प्रस्तावाला मंजुरी दिली. गोल्ड एक्सचेंजमध्ये सोन्याचा व्यापार इलेक्ट्रॉनिक गोल्ड रसीद (पावती) अर्थात ईजीआरद्वारे केला जाईल. इलेक्ट्रॉनिक गोल्ड रसीद (EGR) कोणत्याही मान्यताप्राप्त स्टॉक एक्सचेंज किंवा नवीन स्टॉक एक्सचेंजमधून सुरू केली जाईल. सेबीच्या मंजुरीनंतरच हे ठरवले जाईल की, ईजीआरची किमान किंमत किती असेल. यानंतर शेअर बाजार EGR चे सोन्यात रूपांतर करू शकतील. सेबीच्या मते, गोल्ड एक्स्चेंजमध्ये EGR च्या ट्रेडिंग आणि फिजिकल सोन्याच्या डिलिव्हरीसाठी संपूर्ण इको-सिस्टम असेल आणि देशातील सोन्याच्या व्यवहारात अधिक पारदर्शकता आणि निवड प्रदान करेल. ईजीआरच्या खरेदी आणि विक्रीसाठी गोल्ड एक्सचेंज हे राष्ट्रीय व्यासपीठ असेल. ईजीआरअंतर्गत मानक सोन्याचा व्यापार केला जाईल आणि देशभरात सोन्याची एकसमान किंमत रचना तयार करण्यात मदत होईल.