महाराष्ट्र २४ । विशेष प्रतिनिधी । दि. २४ ऑक्टोबर ।
मेष:-
आज मनातील इच्छा पूर्ण होईल. नोकरीत स्वत:च्या मुद्यावर ठाम रहा. अनोळखी व्यक्तीचे सहकार्य लाभेल. हाताखालील लोक विश्वासू मिळतील.भावनिक गुंतागुंतीत अडकून राहू नका.
वृषभ:-
आज मोठा निर्णय घेताना एकवार पुन्हा विचार करावा. फसवणुकीपासून सावध रहा. पैशाचा विनिमय विचारपूर्वक करावा. मित्रांच्या भेटीचे योग. विनाकारण शंका घेऊ नका.
मिथुन:-
आज आर्थिक व्यवहारात सावधानता बाळगा. मित्र परिवाराच्या स्नेहाला जपा. व्यावसायिक उन्नती होईल. तुमच्या कृतीला विरोध होऊ शकतो. कौटुंबिक वातावरण सामान्य राहील.
कर्क:-
आज अपेक्षित यशासाठी जोरात प्रयत्न करावेत. भावंडांची साथ मिळेल. कला जोपासत राहावे. दूरचे प्रवास संभवतात. ईश्वरावरील श्रद्धा दृढ होईल.
सिंह:-
आजचा दिवस चांगला जाईल. व्यापारी वर्गाला नवीन अनुभवाला सामोरे जावे लागेल. जुनी कामे मार्गी लागतील. जवळच्या व्यक्तीचा सल्ला उपयोगी ठरेल. कामे मनासारखी झाल्याने मन प्रसन्न राहील.
कन्या:-
आज नानाविध रंगांनी भरलेला दिवस. रूचकर भोजनाचा आस्वाद घ्याल. तुमचा करारी स्वभाव दाखवण्याची संधी मिळेल.प्रलंबित कामे मार्गी लावाल. आहारावर नियंत्रण हवे.
तूळ:-
आज आपली इतरांवर छाप पडेल. कोणत्याही मुद्यावर संभ्रमित होऊ नका. ठामपणे निर्णय घ्या. पोटाचे विकार त्रस्त करू शकतात. जोडीदाराशी मतभेदाची शक्यता.
वृश्चिक:-
आजचा दिवस चांगला जाईल. कठीण कामे सुरळीत पार पडतील घरामध्ये मोठी खरेदी कराल. . मुलांची चिंता सतावेल. कोणत्याही प्रकारच्या वादात पडू नका.
धनू:-
आज जन संपर्कातून लाभ होईल. कलेत प्राविण्य मिळवाल. आजचा दिवस संमिश्र जाईल. दिवसाच्या उत्तरार्धात चांगली बातमी मिळेल. मन प्रसन्न होईल.
मकर:-
आज योग्य व्यक्तीच्या मार्गदर्शनाचा लाभ घ्या. पैसे खर्च करताना विचार करावा. मित्रांचे मोलाचे सहकार्य लाभेल. काही वाद मिटवण्यासाठी प्रयत्नशील राहावे. हातातील कामे पार पडतील.
कुंभ:-
आज स्वकर्तृत्वावर झेप घ्या. मित्रांचा सल्ला उपयोगी पडेल. क्षुल्लक समस्येतून मार्ग निघेल. वरिष्ठांशी जुळवून घ्यावे लागेल. दिवसाचा उत्तरार्ध दिलासादायक असेल.
मीन:-
आज मानसिक स्वास्थ्य जपावे. बोलताना पुढच्या-मागच्या गोष्टीचा विचार करावा. लाभाच्या संधी प्राप्त होतील. कठीण कामे सुलभतेने होतील. अति तिखट पदार्थ खाऊ नका.
