महाराष्ट्र २४ । विशेष प्रतिनिधी । दि. २२ नोव्हेबर । सोमवारी सोन्या-चांदीच्या दरात घसरण (Gold-Silver rate drop) नोंदवण्यात आली. मल्टी कमोडिटी एक्सचेंज (MCX) वर सोने 286 रुपयांनी स्वस्त झाले आहे. या घसरणीसह आज सकाळी सोन्याचा भाव (Gold Rate today) 48,959.00 रुपयांवर पोहोचला आहे. त्याचबरोबर चांदीच्या दरातही घसरण झाली आहे. आज चांदीचा भाव (Silver Rate today) 759.00 रुपयांनी घसरला आहे. चांदी 65,727.00 वर व्यवहार करत आहे.
सराफा बाजारात 22 कॅरेट सोन्याचा भाव सुमारे 262 रुपयांनी घसरून 44,837 रुपयांवर व्यवहार करताना दिसत आहे. त्याच वेळी, 24 कॅरेट सोन्याचा भाव 48,949 रुपये झाला. याशिवाय 23 कॅरेट सोन्याची सरासरी किंमत 48,753 रुपये होती. तर 18 कॅरेटचा भाव 36,712 रुपये आणि 14 कॅरेट सोन्याचा दर 28635 रुपये झाला. सराफा बाजारात एक किलो चांदीचा भाव 65,727 रुपये होता.
सोन्याचा नवा भाव कसा पाहायचा?
सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता.
सोन्याची शुद्धता कशी तपासायची?
तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवले आहे. ‘BIS Care App’द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे.