महाराष्ट्र २४ । विशेष प्रतिनिधी । दि २४ जानेवारी । ६० वर्षांवरील ज्येष्ठ नागरिकांसाठी आता केंद्र सरकारने ‘पीएम वय वंदना योजना’ सुरू केली आहे. तुम्हाला या अंतर्गत, वार्षिक १,११,००० रुपयांपर्यंत पेंशन (ज्येष्ठ नागरिक बचत योजना) मिळू शकते. प्रधानमंत्री वय वंदना योजना वृद्धांना त्यांच्या आयुष्याच्या निर्णायक टप्प्यावर आर्थिकदृष्ट्या स्वावलंबी बनवण्यासाठी सुरू करण्यात आली आहे. त्याचा कालावधी ३१ मार्च २०२० पर्यंत होता, परंतु तो कालावधी आता मार्च २०२३ पर्यंत वाढवण्यात आला आहे.
या योजनेत सामील होण्यासाठी किमान कामाचे वय ६० वर्षे आहे. म्हणजेच ६० वर्षे किंवा त्याहून अधिक वयाचे नागरिक यामध्ये गुंतवणूक करू शकतात. या अंतर्गत कमाल वयोमर्यादा नाही. या योजनेत एखादी व्यक्ती कमाल १५ लाख रुपयांपर्यंत गुंतवणूक करू शकते. आयुर्विमा महामंडळावर (LIC) ही योजना चालवण्याची जबाबदारी सोपवण्यात आली आहे. तुम्हाला या योजनेत पेंशनसाठी एकरकमी रक्कम गुंतवावी लागेल आणि मग तुम्ही मासिक, त्रैमासिक, अर्धवार्षिक किंवा वार्षिक पेंशनची निवड करू शकता.
या योजनेंतर्गत, तुम्हाला दरमहा १००० रुपये पेंशनसाठी १,६२,१६२ रुपये गुंतवावे लागतील. या योजनेंतर्गत कमाल मासिक पेंशन ९,२५०रुपये, तिमाही २७,७५०रुपये, सहामाही निवृत्ती वेतन ५५,५०० रुपये आणि वार्षिक पेंशन १,११,००० रुपये आहे. तुम्ही PMVVY योजनेबद्दल तपशीलवार माहितीसाठी ०२२-६७८१९२८१ किंवा ०२२-६७८१९२९० डायल करू शकता. याशिवाय, तुम्ही टोल-फ्री नंबर – १८००-२२७-७१७ देखील डायल करू शकता.
सेवा कर आणि जीएसटीमधून या योजनेला सूट देण्यात आली आहे आणि सर्वात महत्वाची गोष्ट म्हणजे तुम्ही हे पैसे कोणत्याही गंभीर आजाराच्या किंवा जोडीदाराच्या उपचारासाठी वेळेपूर्वी काढू शकता. प्रधानमंत्री वय वंदना योजनेतील गुंतवणुकीसाठी, तुमच्यासाठी पॅन कार्डची प्रत, पत्त्याच्या पुराव्याची एक प्रत आणि बँकेच्या पासबुकच्या पहिल्या पानाची प्रत असणे अनिवार्य आहे.
तुमच्यासाठी या योजनेत कर्जाची सुविधाही आहे. यामध्ये तुम्ही पॉलिसीच्या ३ वर्षानंतर पीएमव्हीव्हीवायवर कर्ज घेऊ शकता. कर्जाची कमाल रक्कम खरेदी किमतीच्या ७५% पेक्षा जास्त असू शकत नाही. ही योजना सरकारच्या इतर योजनांप्रमाणे कर लाभ देत नाही.