महाराष्ट्र । विशेष प्रतिनिधी । दि.११ मे । जर तुम्ही तुमचा ड्रायव्हिंग लायसन्स बनवण्याचा किंवा रिन्यू करण्याचा विचार करत असाल तर ही बातमी तुमच्यासाठी महत्वाची आहे. केंद्र सरकारने ड्रायव्हिंग लायसन्स बनवण्याच्या नियमात बदल केले आहेत. ज्यामध्ये नव्या नियमांचा फायदा सर्वसामान्यांना नक्की मिळणार आहे. या नियमांच्या अंमलबजावणीनंतर तुम्हाला ड्रायव्हिंग लायसन्स (डीएल) मिळवण्यासाठी प्रादेशिक परिवहन कार्यालयाच्या (आरटीओ) फेऱ्या माराव्या लागणार नाहीत. केंद्र सरकारने बनवलेले ड्रायव्हिंग लायसन्सचे नवे नियम पूर्वीपेक्षा खूपच सोपे झाले आहेत.
ड्रायव्हिंग लायसन्स बनवण्याच्या सुधारित नियमानुसार, आता तुम्हाला RTO ला जाऊन कोणत्याही प्रकारची ड्रायव्हिंग टेस्ट द्यावी लागणार नाही. केंद्रीय रस्ते वाहतूक आणि महामार्ग मंत्रालयाकडून 1 जुलै 2022 पासून नवीन नियम लागू केले जातील.
नवीन नियम लागू झाल्यानंतर वाहन चालविण्याचा परवाना किंवा लायसन्स मिळविण्यासाठी प्रतीक्षा यादीच्या प्रतीक्षेत असलेल्या कोट्यवधी लोकांना दिलासा मिळणार आहे.
कसे मिळेल ड्रायविंग लायसन्स?
तुम्ही कोणत्याही मान्यताप्राप्त ड्रायव्हिंग ट्रेनिंग स्कूलमध्ये DL साठी नोंदणी करू शकता. इथून ट्रेनिंग घेतल्यानंतर तिथून परीक्षा उत्तीर्ण व्हावी लागेल. परीक्षा उत्तीर्ण होणाऱ्यांना शाळा प्रमाणपत्र देईल. या प्रमाणपत्राच्या आधारे तुमचा DL तयार केला जाईल.
ड्रायव्हिंग लायसन्स (DL) शिकवण्याचा अभ्यासक्रम मंत्रालयाने तयार केला आहे. हे सिद्धांत आणि व्यावहारिक अशा दोन भागात विभागलेले आहे. लाइट मोटर व्हेईकल (LMV) या अभ्यासक्रमाचा कालावधी चार आठवडे आहे, जो 29 तास चालेल.