महाराष्ट्र २४ । विशेष प्रतिनिधी । दि. ५ जून । प्रसिद्ध गायक केके (Famous singer KK) यांचे अखेरचे पोस्टमार्टम आणि ऑटोप्सी रिपोर्ट (Postmortem and Autopsy Report) शनिवारी कोलकाता पोलिसांकडे सोपवण्यात आले. दोन्ही रिपोर्टमध्ये गायकाच्या मृत्यूचे कारण ‘मायोकार्डियल इन्फेक्शन’ (Myocardial Infection) असे नमूद करण्यात आले आहे. अंतिम पोस्टमार्टम अहवालानुसार, कोलेस्टेरॉलच्या (Cholesterol) संचयामुळे इंट्रामस्क्युलर धमनी लक्षणीयरीत्या अरुंद झाली, ज्यामुळे हृदयाद्वारे रक्त पंपिंगवर परिणाम झाला. कोरोनरी आर्टरीमध्येही ब्लॉकेज होते.
कोलकाता पोलिसांच्या सूत्रांनी सांगितले की, त्यांनी अनैसर्गिक मृत्यूप्रकरणी एफआयआर नोंदवून तपास सुरू केला आहे. पण अनैसर्गिक मृत्यूचा सिद्धांत आता प्राथमिक आणि अंतिम पोस्टमार्टम अहवाल तसेच रासायनिक विश्लेषण अहवालानंतर नाकारला जाऊ शकतो, असे एका अधिकाऱ्याने नाव न सांगण्याच्या अटीवर सांगितले.
मंगळवारी संध्याकाळी दक्षिण कोलकाता येथील नजरल मंच येथे त्यांचा शेवटचा शो होता. केकेने अनेकवेळा अस्वस्थतेची तक्रार केली होती आणि आराम मिळण्यासाठी ते टॉयलेटच्या बॅकस्टेजमध्येही गेले होते. डॉक्टरांना वाटले की ते येऊ घातलेल्या धोक्याची सूक्ष्म चिन्हे आहेत, ज्याकडे केकेसह उपस्थित लोकांनी दुर्लक्ष केले असावे. केकेला योग्य वेळी जवळच्या रुग्णालयात नेले असते, तर दुर्दैवाने ते वाचण्याची शक्यता होती.
पोस्टमॉर्टेमधून मृत्यूबाबत मोठा खुलासा
केके (Singer KK No more) यांच्या हृदयाभोवती मेदयुक्त पदार्थांचा थर (Fatty Layer) आढळल्याचं पोस्टमॉर्टेम रिपोर्टमध्ये (Autopsy Report) नमूद करण्यात आलं आहे. त्यानंतर त्या रिपोर्टसह त्यांचा व्हिसेरा रिपोर्ट हिस्टोपॅथॉलॉजिकल टेस्टसाठी (Histopathological Test) पाठवण्यात आला आहे. हिस्टोपॅथॉलॉजिकल टेस्टमध्ये टिश्यूजचा अभ्यास केला जातो आणि ब्लॉकेजेस (Heart Blockages) असल्यास त्याची माहिती मिळते. गुरुवारी (2 जून) पोलिस सूत्रांनी ही माहिती दिली. ETimes ने याबद्दलचं वृत्त दिलं आहे. ऑटोप्सी रिपोर्टमध्ये असं नमूद करण्यात आलं होतं, की मेदयुक्त पदार्थांच्या थराचा रंग पांढऱ्या रंगात परिवर्तित झाला होता. तसंच हृदयाचे व्हॉल्व्ह एकदम कडक असल्याचं हृदय उघडल्यानंतर आढळलं.
पोलीस सूत्रांनी ई-टाइम्सला दिलेल्या माहितीनुसार, ‘हृदयात कडकपणा निर्माण होण्यास बराच कालावधी लागतो. त्यामुळे पोस्टमॉर्टेम रिपोर्ट आणि व्हिसेरा रिपोर्ट हिस्टोपॅथॉलॉजिकल टेस्टसाठी पाठवण्यात आले आहेत. त्यातून ब्लॉकेजेसचा छडा लागू शकेल.’
दरम्यान, पोलिस सूत्रांनी अशीही माहिती दिली, गॅस्ट्रिक आणि लिव्हरशी संबंधित, तसंच व्हिटॅमिन सीशी संबंधित वेगवेगळ्या प्रकारच्या 10 औषधांचे अंश केके यांच्या शरीरात आढळले. तसंच, अँटासिड (Antacid) आणि अ‍ॅसिडिटीपासून आराम देणारी औषधं आणि आयुर्वेदिक व होमिओपॅथिक औषधांच्या अंशाचाही त्यात समावेश असल्याची माहिती तपासणीत आढळल्याचं पोस्ट मॉर्टेममध्ये आढळलं.
पोलिसांनी अशीही माहिती दिली, की केके वारंवार अँटासिड पिल्स खायचे असं लक्षात आलं आहे. 31 मेच्या सकाळी त्यांनी त्यांच्या मॅनेजरला सांगितलं होतं, की त्यांना शक्ती, उत्साह कमी असल्यासारखं वाटत आहे. त्याच रात्री, त्यांच्या मृत्यूच्या काही तास आधी केके यांनी त्यांच्या पत्नीला सांगितलं होतं, की त्यांचे खांदे आणि हात दुखत आहेत.