महाराष्ट्र २४ । विशेष प्रतिनिधी । दि.१० जून । महाराष्ट्र गृहनिर्माण आणि क्षेत्र विकास प्राधिकरण पुणे विभागातील सदनिकांची सोडत (Lottery) लवकरच काढणार आहे. मात्र म्हाडाने (Mhada)आता सोडतीच्या उत्पन्न मर्यादेत बदल केले आहे. महानगरात उच्च उत्पन्न गटासाठी वार्षिक 12 लाख ते 18 लाख रुपये उत्पन्न मर्यादा निश्चित केली आहे. त्यामुळे वार्षिक 18 लाखाहून अधिक कौटुंबिक उत्पन्न असलेले नागरिक आता उच्च उत्पन्न गटात (High income group)अर्ज करण्यास पात्र ठरणार नाहीत. आत्तापर्यंत महिना 75 हजार रुपये किंवा त्यापेक्षा कितीही उत्पन्न असणारी व्यक्ती उच्च गटात समाविष्ट होत होती. परंतु नवीन अध्यादेशानुसार दीड लाख रुपयांपर्यंत उत्पन्न असणारे इच्छुक उच्च गटात मोडणारे आहेत. मासिक दीड लाखांपेक्षा अधिक उत्पन्न असणाऱ्यांना छोट्या शहरातील सोडतीसाठी अर्ज करता येणार आहे. अशी माहिती एका दैनिकाने प्रसिद्ध केली आहे.
नवीन अद्यादेश काय सांगतो
म्हाडाच्या 25 मे च्या अध्यादेशानुसार म्हाडा सोडतीच्या उत्पन्न मर्यादेत बदल केला आहे.
नवीन अद्यादेशानुसार महानगरात उच्च उत्पन्न गटासाठी वार्षिक 12 लाख ते 18 लाख रुपये उत्पन्न मर्यादा निश्चित करण्यात आली आहे.
यानुसार दीड लाख रुपयांपर्यंत उत्पन्न असणारे इच्छुक उच्च गटात मोडणारे आहेत. मासिक दीड लाखांपेक्षा अधिक उत्पन्न असणाऱ्यांना छोट्या शहरातील सोडतीसाठी अर्ज करता येणार आहे.
आत्तापर्यंत उच्च गटासाठी वार्षिक नऊ लाख रुपयांवरील मासिक रुपये 75 हजार येत उत्पन्न मर्यादा हो. ती मात्र आता वार्षिक बारा लाख एक रुपया ते 18 लाख अशी केली आहे .
म्हणजेच मासिक कौटुंबिक दीड लाखांपर्यंत उत्पन्न असणारी व्यक्ती मुंबई-ठाणे पुणे आणि इतर मोठ्या शहरातील म्हाडाच्या घरांसाठी अर्ज करू शकणार आहे.