महाराष्ट्र २४ । विशेष प्रतिनिधी । दि. २९ ऑगस्ट । दार महिन्याच्या पहिल्या दिवशी इंधन कंपन्या उत्पादनांचे नवे दर जाहीर करतात. कंपन्या कधी किमती वाढवतात तर कधी कमी करतात. पहिल्या ऑगस्ट रोजी तेल विपणन कंपन्यांनी व्यावसायिक एलपीजी सिलिंडर (१९ किलो) ३६ रुपयांनी कमी केले होते. याचा थेट फायदा घरगुती एलपीजी ग्राहकांना झाला नाही.
सध्या दिल्लीत घरगुती एलपीजी सिलिंडरची किंमत १,०५३ रुपये आहे. याशिवाय दिल्लीत जुलैमध्ये घरगुती सिलिंडरची किंमत समान होती. एलपीजीची किंमत कच्च्या तेलाच्या किंमतीसह इतर अनेक घटकांवर अवलंबून असते. सीएनजीचीही स्थिती देखील तशीच आहे. सीएनजीच्या प्रचंड वाढीमुळे वाहनचालकांचे बजेट पूर्णपणे कोलमडले होते. किमती इतक्या वाढल्या की टॅक्सी सेवांना त्यांचे किमान भाडे वाढवणे भाग पडले आणि त्यामुळे सर्वसामान्यांच्या खिश्याचा भारही वाढला. दिल्लीत सध्या प्रति किलो सीएनजीची किंमत ७५.६१ रुपये (IGL), रुपये ८० (MGL) आणि ८३.९ रुपये (अदानी गॅस) आहे.
यापूर्वी सांगितल्या प्रमाणे एलपीजी आणि सीएनजीच्या किमती अनेक घटकांवर अवलंबून असतात. त्यातील कच्च्या तेलाची किंमत हा सर्वात मोठा घटक आहे. ब्रेंट क्रूडच्या किमतीत काही प्रमाणात वाढ झाली असून सध्या ते प्रति बॅरल ९९.८० डॉलरवर पोहोचले आहे. त्यामुळे तेल विपणन कंपन्यांकडून दर कमी करण्याची संधी सध्या तरी दिसत नाही. गेल्या दोन महिन्यांपासून घरगुती एलपीजीच्या किमतींमध्ये कोणताही मोठा बदल झालेला नाही, त्यामुळे यामध्ये आता थोडीशी वाढ होण्याची चिन्हे दिसत आहेत. दुसरीकडे, सीएसजीबद्दल बोलायचे झाले तर, गेल्या काही महिन्यांपासून कंपन्यांनी सतत त्याच्या किमती वाढवल्या आहेत. त्यात घट किंवा वाढ दोन्हीची शक्यता कमी आहे. सीएनजीचे दर याच पातळीवर राहण्याची शक्यता आहे.