महाराष्ट्र २४ । विशेष प्रतिनिधी । १७ नोव्हेंबर । मुख्यमंत्री एकनाथ शिंदे आपल्या गटाच्या सर्व 50 बंडखोर आमदारांना घेऊन पुन्हा गुवाहाटीला जाणार असल्याची बातमी ताजी असताना. राष्ट्रवादी काँग्रेसचे नेते एकनाथ खडसे हे देखील गुवाहाटीला जाणार आहेत. खडसे यांनी स्वत: याबाबत माहिती दिलीय. या दरम्यान एकनाथ खडसे यांनी शिंदे गटाच्या पुन्हा गुवाहाटीला जाण्याच्या चर्चेवर चांगलेच चिमटे घेतले आहेत.
“मी दरवर्षी कामाख्या देवीच्या दर्शनाला जातो. आताही मी कामाख्या देवीच्या दर्शनाला जाणार आहे, आणि परत आमचं सरकार येऊ दे, असं साकडं घालणार”, असं एकनाथ खडसेंनी सांगितलं.जळगाव जिल्ह्यातील जामनेर येथे राष्ट्रवादी काँग्रेस व्हिजेएनटी सेलच्या वतीने कार्यकर्ता मेळाव्याचं आयोजन करण्यात आलं होतं. या मेळाव्यात खडसे बोलत होते
‘भेट तुझी माझी प्रेमाची’, एकनाथ खडसेंची शिंदेंवर काव्यमय टीका
दरम्यान, एकनाथ खडसे यांनी नुकतंच मुक्ताईनगर येथील एका कार्यक्रमात शिंदे गटाच्या गुवाहाटी दौऱ्यावरुन काव्यमय शब्दांमध्ये टीका केली होती.