महाराष्ट्र २४ । विशेष प्रतिनिधी । दि . ८ मार्च । भारतीय नौदलाच्या हेलिकॉप्टरला मोठा अपघात घडला आहे. भारतीय नौदलाच्या ताफ्यातील हेलिकॉप्टर बुधवारी नियमित उड्डाण करत असताना मुंबईच्या किनाऱ्यावर कोसळलं आहे. यात हेलिकॉप्टरचे मोठे नुकसान झाले असून नौदलाच्या तीन जणांना सुखरुप बाहेर काढण्यात आले आहे.
भारतीय नौदलाचे एएलएच मुंबईपासून नियमित उड्डाण करत असना किनाऱ्याजवळ अपघात घडला. अपघातानंतर तात्काळ शोधकार्य व बचावकार्य हाती घेण्यात आलं. त्यानंतर हेलिकॉप्टरमधील तीन कर्मचाऱ्यांना सुरक्षित बाहेर काढण्यात यश आलं आहे.
Indian Navy ALH, on a routine sortie off Mumbai, met with an accident close to the coast. Immediate search and rescue ensured the safe recovery of a crew of three by Naval patrol craft. An inquiry to investigate the incident has been ordered: Indian Navy pic.twitter.com/MhgFgDka14
— ANI (@ANI) March 8, 2023
दरम्यान, हेलिकॉप्टर कसे कोसळले व अपघात कसा झाला हे मात्र अद्याप समजू शकलेले नाही. नौदलाकडून अपघाताच्या चौकशीचे आदेश देण्यात आलेले आहेत. अशी माहिती वेस्टर्न नेव्हल कमांडच्या एका अधिकाऱ्यांनी दिली आहे.