महाराष्ट्र २४ । विशेष प्रतिनिधी । दि . २४ एप्रिल । राज्यात पुढील ५ दिवस उर्वरित ठिकाणी तुरळक पावसाची शक्यता , राज्यात विदर्भात सोमवार, २४ एप्रिलपासून पुढील ५ दिवस म्हणजे शुक्रवार, २८ एप्रिलपर्यंत अवकाळी पावसासह गारपिटीची शक्यता आहे. राज्यात उर्वरित ठिकाणी तुरळक पावसाचा अंदाज हवामानतज्ज्ञ माणिकराव खुळे यांनी वर्तवला आहे. मराठवाड्यात गुरुवार (दि.२७) व शुक्रवारी (दि.२८) गारपिटीची शक्यता वर्तवण्यात आली आहे.
आगामी ५ दिवस राज्यात किमान तापमान ४ अंशाने, तर कमाल तापमान २ अंशाने सरासरीपेक्षा कमी राहणार आहे. दरम्यान, रविवारी छत्रपती संभाजीनगरात दुपारी ढगाळ वातावरण होते. पाराही ३६.२ अंश सेल्सियसवर उतरला होता. जळगावला रविवारी सर्वाधिक ३९ अंश तापमान नोंंदवले गेले. नाशकात पारा ३४.८ वर होता.
राज्यातील निवडक शहरांतील तापमान
जळगाव ३९.०, अकोला : ३८.३, चंद्रपूर : ३८.२, सोलापूर : ३८.०, अमरावती : ३७.०, वर्धा : ३७.०, बीड ३७.०, सांगली : ३६.७, यवतमाळ : ३६.५, परभणी : ३६.४, बुलडाणा : ३६.२, छत्रपती संभाजीनगर : ३६.२, पुणे : ३६.१, नागपूर : ३५.३, नाशिक : ३४.८.