महाराष्ट्र २४ । विशेष प्रतिनिधी । दि. २२ जुन । टेस्लाचे सीईओ एलन मस्क यांनी पंतप्रधान नरेंद्र मोदी यांची अमेरिका दौऱ्यादरम्यान भेट घेतली. या बैठकीनंतर टेस्लाचा भारतात प्रवेश लवकरच होऊ शकतो असे चित्र सध्यातरी दिसत आहे.असे झाल्यास टेस्लाच्या या 5 इलेक्ट्रिक वाहने भारतीय बाजारपेठेत येण्यासाठी सज्ज होतील.
टेस्ला मॉडेल 3: जर टेस्ला इलेक्ट्रिक कार भारतात दाखल झाल्या, तर मॉडेल 3 धमाल करू शकेल. ही टेस्लाची सर्वात स्वस्त इलेक्ट्रिक सेडान कार आहे. मॉडेल 3 टेस्लासाठी विक्रीच्या दृष्टीने खूप महत्वाचे आहे. ही कार फुल चार्ज झाल्यावर 550 किमी धावते. कंपनी त्याची फेसलिफ्टेड आवृत्ती, मॉडेल 3 हाईलँड आणण्यावर देखील काम करत आहे.
टेस्ला मॉडेल एक्स: मॉडेल एक्स ही उच्च-कार्यक्षमता असलेली इलेक्ट्रिक कार आहे. एकदा पूर्ण चार्ज झाल्यावर ही कार 565 किमी अंतर कापू शकते. यात 75 kWh बॅटरी पॅकची शक्ती मिळते. मॉडेल X 17 इंच इन्फोटेनमेंट स्क्रीन आणि सेल्फ-ड्रायव्हिंग वैशिष्ट्यांसह येते.
टेस्ला मॉडेल वाई: मॉडेल वाई ही इलेक्ट्रिक क्रॉसओवर एसयूव्ही आहे. टेस्ला ते दोन बॅटरी पॅकसह विकते, एक म्हणजे 67 kWh आणि दुसरे म्हणजे 81 kWh. एकदा पूर्ण चार्ज झाल्यावर, Y मॉडेल 530 किमी अंतर कापू शकते. ही इलेक्ट्रिक कार अमेरिका आणि चिनी बाजारपेठेत खूप लोकप्रिय आहे.
टेस्ला सेमी: टेस्ला इलेक्ट्रिक कार व्यतिरिक्त इलेक्ट्रिक ट्रक देखील विकते. टेस्ला सेमी हा एक उत्तम इलेक्ट्रिक ट्रक आहे, जो भारतातील वाहतूक क्षेत्रात बदल आणू शकतो. वॉलमार्ट आणि पेप्सिको सारख्या कंपन्यांनी या ट्रकची आधीच बुकिंग केली आहे. हा ट्रक एका चार्जवर 800 किमीपर्यंतचा पल्ला गाठेल.
टेस्ला सायबरट्रक: संपूर्ण जग टेस्ला सायबरट्रकची आतुरतेने वाट पाहत आहे. हा ट्रक 2019 मध्ये प्रथमच सादर केला गेला, परंतु त्याचे उत्पादन लटकत राहिले. इलेक्ट्रिक पिक-अप आणि स्पोर्ट्स कार वैशिष्ट्यांसह सुसज्ज, सायबर ट्रक 100 kWh बॅटरी पॅकसह 800 किमी पर्यंतचे एव्हरेज देईल.