महाराष्ट्र २४ ।। विशेष प्रतिनिधी ।। दि. १५ जुलै ।। Smartphone Launch : भारतीयांची लाडकी कंपनी एसर पुन्हा एकदा भारताच्या स्मार्टफोन मार्केटमध्ये भरारी घेत आहे. बंगळुरूच्या इन्डकाल टेक्नोलॉजीशी झालेल्या लायसन्स करारानुसार, एसर ब्रँडेड स्मार्टफोन्स भारतात लाँच केले जाणार आहेत.
एका काळात भारतात लोकप्रिय असलेल्या एसरने काही वर्षांपूर्वी आपले स्मार्टफोन बंद केले होते. पण आता ते जोरदार पुनरागमनाला सज्ज झाले आहेत. इन्डकाल टेक्नोलॉजी ही कंपनी एसरच्या स्मार्टफोन्सची डिझाईन, निर्मिती आणि वितरण करणार आहे.
किंमत आणि स्पर्धा
मिड-रेंज सेगमेंटवर लक्ष केंद्रित करत असलेल्या या फोनची किंमत रु. १५ हजार ते रु. ५० हजार दरम्यान असणार आहे. या सेगमेंटमध्ये वीवो, रेडमी, वनप्लस, आयकू यासारख्या अनेक नामांकित कंपन्यांचा चष्मा वर आहे. त्यामुळे एसरला स्पर्धेत टिकून राहण्यासाठी काहीतरी वेगळं आणावे लागणार आहे.
मेक इन इंडिया
आनंददायक बातमी म्हणजे ही स्मार्टफोन्स मेक इन इंडियाच्या अंतर्गत भारतातच बनणार आहेत. या फोनमध्ये अत्याधुनिक सॉफ्टवेअर टेक्नोलॉजी असणार आहे. कंपनीने दरवर्षी १० लाख स्मार्टफोन्स बनवण्याचे लक्ष्य ठेवले आहे. ही फोन ऑनलाइन आणि ऑफलाइन अशा दोन्ही मार्गांनी उपलब्ध होणार आहेत.
एसरच्या या पुनरागमनाने भारताच्या स्मार्टफोन मार्केटमध्ये चांगलीच स्पर्धा पाहायला मिळणार हे नक्की आहे. त्यामुळे ग्राहकांमध्ये या स्मार्टफोनबद्दल आकर्षण निर्माण झाले आहे.