महाराष्ट्र २४ ।। विशेष प्रतिनिधी ।। दि.१ डिसेंबर ।। 1 डिसेंबरपासून एलपीजी सिलेंडरच्या दरांमध्ये वाढ झाली आहे. देशभरातील व्यावसायिक सिलेंडरच्या किमतींमध्ये 18.50 रुपयांची वाढ करण्यात आली आहे. याचा फटका फक्त व्यावसायिक सिलेंडर वापरणाऱ्या ग्राहकांना बसला आहे. मात्र, 14 किलोच्या घरगुती गॅस सिलेंडरच्या किमतीत कोणताही बदल करण्यात आलेला नाही.
दिल्लीमध्ये 19 किलोच्या व्यावसायिक एलपीजी सिलेंडरची किंमत 1802 रुपयांवरून 1818.50 रुपये झाली आहे. कोलकाता येथे ही किंमत 1927 रुपयांवर पोहोचली आहे. मुंबईतील सिलेंडर दर 16.50 रुपयांनी वाढून आता 1771 रुपये झाले आहेत. पटना येथे हा सिलेंडर 2072.50 रुपयांना मिळत आहे. यामुळे देशभरातील व्यवसायिक ग्राहकांवर आर्थिक भार वाढला आहे.
मुंबईत 16.50 रुपयांची वाढ
मुंबईतील व्यावसायिक सिलेंडरच्या किमतीत 16.50 रुपयांची वाढ झाली आहे. मागील महिन्यात 1754.50 रुपयांना मिळणारा सिलेंडर आता 1771 रुपयांना मिळेल. कोलकात्यातील दर 1980.50 रुपये झाले असून, पटना येथे हा सिलेंडर 2072.50 रुपयांवर पोहोचला आहे.
घरगुती एलपीजी सिलेंडरचे दर स्थिर
घरगुती गॅस सिलेंडरच्या किमतीत मात्र कोणताही बदल झालेला नाही. दिल्लीमध्ये 14 किलोच्या सिलेंडरची किंमत 803 रुपये, मुंबईत 802.50 रुपये, कोलकात्यात 829 रुपये आणि चेन्नईमध्ये 818.50 रुपये आहे.
2024 मध्ये दरवाढीचा इतिहास
एलपीजी सिलेंडरच्या किमतीत यंदा अनेक वेळा बदल झाले आहेत. दर महिन्याला दरवाढ किंवा कपात होत आहे. यंदाच्या काही महत्त्वाच्या दरवाढी:
1 ऑक्टोबर 1740
1 सप्टेंबर 1691.50
1 ऑगस्ट 1652.50
1 जुलै 1646.00
1 जून 1676.00
1 मे 1745.50
1 एप्रिल 1764.50
1 मार्च 1795.00
1 फेब्रुवारी 1769.50
1 जानेवारी 1755.50
वाढत्या किमतींचा परिणाम
एलपीजी सिलेंडरच्या दरवाढीमुळे व्यावसायिक क्षेत्रावर मोठा आर्थिक भार पडतो आहे. रेस्टॉरंट्स, कॅफे, आणि लघु उद्योग यावर याचा सर्वाधिक परिणाम होतो. ग्राहकांसाठी जेवण आणि इतर सेवांच्या किमती वाढण्याची शक्यता आहे.
सरकारकडून कोणती पावले?
सरकारने घरगुती सिलेंडरच्या किमतीत दिलासा दिला असला तरी व्यावसायिक सिलेंडरच्या दरवाढीवर तातडीने उपाययोजना करण्याची गरज आहे. इंधन दरवाढ नियंत्रणात ठेवण्यासाठी पुढील धोरण जाहीर होण्याची प्रतीक्षा आहे.