महाराष्ट्र 24 | विशेष प्रतिनिधी | दि. १ फेब्रुवारी |
मेष राशिभविष्य (Aries Horoscope)
तुमच्यातील प्रेमळपणा दिसून येईल. घरातील वातावरण आनंदी असेल. घर खर्चाचा पुनर्विचार कराल. कौटुंबिक सौख्यात भर पडेल. गायन कलेला चांगला वाव मिळेल.
वृषभ राशिभविष्य (Taurus Horoscope)
स्वत:च्या जबाबदारीवर कामे हाती घ्याल. पराक्रमाला वाव आहे. नवीन उलाढाली कराल. सर्व गोष्टींची अनुकुलता लाभेल. दिवस मनासारखा जाईल.
मिथुन राशिभविष्य (Gemini Horoscope)
दानधर्म कराल. प्रवासात मौल्यवान वस्तूंची काळजी घ्यावी. सार्वजनिक कामात मदत कराल. खर्चाचे नवीन गणित मांडावे. आर्थिक आवक चांगली राहील.
कर्क राशिभविष्य (Cancer Horoscope)
मित्रमंडळींच्या सहवासात दिवस घालवाल. व्यावसायिक लाभावर लक्ष ठेवावे. तुमची इच्छा पूर्ण होईल. स्त्रीवर्गाच्या मदतीने कामे पार पडतील. जवळचे मित्र भेटतील.
सिंह राशिभविष्य (Leo Horoscope)
धरसोडपणा करून चालणार नाही. सारासार विचार करून निर्णय घ्यावेत. काळजी करण्याचे कारण नाही. कामाच्या स्वरुपात वारंवार बदल करू नका.व्यावसायिक लाभ अपेक्षेनुसार राहील.
कन्या राशिभविष्य (Virgo Horoscope)
उत्कृष्ट आर्थिक फायदा संभवतो. आर्थिक कोंडी मिटेल. अडचणीवर मात करता येईल. गुरुकृपेचा लाभ होईल. मदत केल्याचे समाधान लाभेल.
तूळ राशिभविष्य (Libra Horoscope)
काही कामे वेळ काढतील. चुकीच्या मार्गाचा अवलंब करू नका. वडिलांची नाराजी दूर करावी. मैत्रीतील गैरसमज दूर करावेत. अचानक धनलाभाची शक्यता.
वृश्चिक राशिभविष्य (Scorpio Horoscope)
पत्नीच्या सुशीलपणाचे कौतुक कराल. भागादाराची उत्तम साथ मिळेल. एकमेकांबद्दलची प्रेमळ ओढ वाढेल. वैवाहिक सौख्य चांगले लाभेल. भागीदारीत चांगला फायदा संभवतो.
धनू राशिभविष्य (Sagittarius Horoscope)
आरोग्याची काळजी घ्यावी. कामातून समाधान लाभेल. वरिष्ठांची मर्जी संपादन कराल. हाताखालील मंडळींची चांगली साथ लाभेल. आत्मविश्वास बाळगावा.
मकर राशिभविष्य (Capricorn Horoscope)
प्रेमसंबंध अधिक घट्ट होतील. नाटक, सिनेमा पाहण्याचे कार्यक्रम आखाल. दिवस मनाजोगा व्यतीत कराल. कामात चलाखी दाखवाल. बुद्धीकौशल्याने कामे कराल.
कुंभ राशिभविष्य (Aquarius Horoscope)
घरातील वातावरणात रमून जाल. मानसिक सौख्य लाभेल. मनाची संवेदनशीलता दाखवाल. वादाचे प्रसंग उकरून काढू नका. इतरांचा विश्वास संपादन करावा.
मीन राशिभविष्य (Pisces Horoscope)
ज्ञानात भर पडेल. कल्पनाशक्तीला वाव मिळेल. निसर्गसौंदर्याचा आस्वाद घ्याल. जवळच्या प्रवासाचा आनंद घ्याल. भावंडातील प्रेमळपणा वाढेल.