महाराष्ट्र २४ – ऑनलाईन वृत्तसेवा – विशेष प्रतिनिधी – नवीदिल्ली – दि.9 – केंद्रीय कर्मचाऱ्यांना गिफ्ट देण्याच्या तयारीत मोदी सरकार असून केंद्र सरकारकडून केंद्रीय कर्मचाऱ्यांना तीन दिवसांची साप्ताहिक सुटी देण्याच्या पर्यायाची चाचपणी सुरू आहे. लवकरच यासंदर्भात अधिसूचना जारी होऊ शकते. 3 दिवस सुटीचा पर्याय जर स्वीकारला गेला तर संबंधित संस्था कर्मचाऱ्यांना चार दिवस 12 तास काम करणे बंधनकारक असू शकते.
याबाबत श्रम मंत्रालयाच्या अधिकाऱ्यांनी दिलेल्या माहितीनुसार कर्मचाऱ्यांनी जर 3 दिवस सुटीचा पर्याय स्वीकारला तर आठवड्यातून चार दिवस 12 तास काम करणे बंधनकारक असणार आहे. परंतु या पर्यायाचा वापर करण्यासाठी कंपनी आणि कर्मचाऱ्यांची सहमती आवश्यक आहे. कर्मचाऱ्यांनी सहमती दिली तरच हा पर्याय वापरता येईल.
सरकारकडून नवीन चार कामगार कायद्यांची अंमलबजावणी करण्यासाठी चाचपणी सुरू आहे. सरकारने यासाठी अनेक औद्योगिक संघटनांकडून यावर पर्याय सूचविण्यास सांगितले होते. सूत्रांनी दिलेल्या माहितीनुसार अंतिम निर्णय घेताना सरकारने या पर्यांयाचा विचार केला आहे.