महाराष्ट्र २४ । ऑनलाईन । विशेष प्रतिनिधी ।मुंबई । दि.१२ एप्रिल । राष्ट्रवादी काँग्रेसचे राष्ट्रीय अध्यक्ष शरद पवार यांना रविवारी मुंबईतील ब्रीच कँडी रुग्णालयात दाखल करण्यात आले. उद्या त्यांच्या पित्ताशयावर शस्त्रक्रिया केली जाणार आहे, अशी माहिती राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली.
Our party President Sharad Pawar saheb has been admitted in Breach Candy Hospital and as informed earlier, a surgery will be performed tomorrow to address his Gall Bladder ailment.
— Nawab Malik نواب ملک नवाब मलिक (@nawabmalikncp) April 11, 2021
शरद पवार यांच्यावर 30 मार्च रोजी ब्रीच कँडी रुग्णालयात शस्त्रक्रिया करण्यात आल्यानंतर 7 दिवस विश्रांतीचा सल्ला देण्यात आला होता. त्यानंतर 15 दिवसांनंतर त्यांच्या पित्ताशयावर शस्त्रक्रिया केली जाणार होती. त्यानुसार आज त्यांना ब्रीच कँडी रुग्णालयात दाखल करण्यात आले असून आज सोमवारी पित्ताशयावर शस्त्रक्रिया केली जाणार आहे, असेही नवाब मलिक यांनी सांगितले. शरद पवार यांच्या पित्तनलिकेत खडा असल्याने त्यांना पोटदुखीचा त्रास जाणवू लागला होता. धोका निर्माण होऊ नये म्हणून त्यांच्यावर तातडीची शस्त्रक्रिया करून हा खडा काढून टाकण्यात आला होता. याआधी शस्त्रक्रिया करून त्यांच्या पित्ताशयातून खडा काढण्यात आला होता. ते काही दिवस डॉक्टरांच्या देखरेखीखाली होते. त्यानंतर 3 एप्रिलला त्यांना घरी सोडण्यात आले होते.